No. of :

No. of Shares:

Currently viewed by: Marcus Rosit

  1. Home
  2. News
  3. Nagbisita ang 900K na turista sa Boracay

Nagbisita ang 900K na turista sa Boracay

Write a comment

Delete

KALIBO, Aklan (PIA) -- Kabilugan 944,850 ka mga turista ro nag-abot sa Isla it Boracay sa Malay halin Enero asta Mayo 2023, suno sa Tourism Office it banwa.

Base sa report, kaeabanan nga bisita it isla sa nauna nga limang buean it dag-on hay mga lokal nga turista nga may narekord nga 735,645.

Ro mga dumueo-ong turista mat-a nga nag-abot hay 185,039 ag ro mga Overseas Filipino Workers/Overseas Filipinos hay 24,166.

Delete

Suno kay Malay Tourism Officer Felix Gregorio Delos Santos, ro lokal nga gobyerno it Malay hay ginatarget nga maabot ro 1.8 asta 2 million nga pag-abot it turista sa Isla it Boracay sa harang dag-on.

Sa harang buean, gina-ekspertar it local tourism office nga maabot ro one-million nga marka sang pag-abot it lokal ag dumueo-ong turista sa Boracay.

Suno kay Delos Santos, ro industriya it turismo sa isla hay amat-amat eon nga nagabalik dahil man sa pag-inabo it mga turista nga nagabisita ag abo eon man ro mga nagabooking sa mga nagkaeain-eain nga accommodation establishment sa Boracay.

Ginhambae man it hepe it local tourism office nga sa makara, sigedas man ro pag-inabot it mga internasyonal nga turista sa Boracay, nga kung siin kaeabanan kara hay halin sa Korea, USA, China, Australia ag United Kingdom. 

Euwas halin sa Korea, ro probinsya it Aklan paagi sa Kalibo International Airport

EditDelete
Ro tanyag nga "sunset" sa Isla it Boracay kung siin sambilog sa mga ginabantayan ag ginabalikan it mga turista sa Isla. (Photo courtesy of Malay Municipal Tourism Office)
Delete

ag Caticlan Airport, nagabaton eon it direkta nga mga byahe halin China ag Taipei ag abo pa nga mga international flights ro magakumpirma it pagbalik it operasyon sa probinsya.

Ro Local Government Unit (LGU) it Malay hay positibo gid nga ro target nga numero sa pag-abot it mga turista sa isla hay maangkon sa katapusan it dag-on.

Samtang, ro banwa it Malay hay ginkilaea bilang isaea sa mga top contributing municipalities sa tourist arrivals report sa bilog nga Western Visayas para sa dag-ong 2022.

Isaea ka Plaque of Appreciation halin sa Department of Tourism (DOT) Region 6 ro gintao sa Malay LGU paagi kay Delos Santos sa ginhiwat nga 1st Tourism Appreciation Night ukon “Pagdayaw 2023" bilang kaparte man in pagselebrar it 50th Founding Anniversary it DOT ku May 17, 2023 sa Zuri Hotel sa Iloilo, City. (AGP/SQP/PIA Aklan)

About the Author

Sheila Patoza

Writer

Region 6

Related News

Feedback / Comment

Get in touch