Milabaw pud ang Davao Oriental sa implementasyon sa oral polio vaccination (OPV) sa rehiyon, diin 26,793 sa gitarget nga 28,076 ka mga bata ang nabakunahan children o 96.26% na marka.

Misunod sa listahan sa rehiyon ang Davao City nga adunay nahimong 85.46% sa MR immunization ug 76.66% sa OPV; Davao de Oro, 82.51% (MR) ug 77.87% (OPV); Davao del Norte, 81.86% (MR) ug 78.93% (OPV); Davao del Sur, 75.20% (MR) ug 77.83% (OPV); ug Davao Occidental, 65.38% (MR) ug 69.99% (OPV).

Migawas pud sa report sa DOH nga nag-una ang upat ka munisipyo sa Davao Oriental sa pag-implementa sa kini nga programa ug nakakab-ot og sobra sa ilang target sa MR immunization.

Gipasalamatan ni Dr. Reden Bersaldo, provincial health officer sa Davao Oriental, ang mga kugihan nga health workers sa komunidad alang sa pagkab-ot sa taas nga immunization coverage rates, ug sa pagsiguro sa maayong panglawas sa katawhan labi na sa mga kabatan-onan.

Mipayag pud siya og apresasyon kang Governor Corazon Malanyaon ug sa tanan mayor sa probinsya sa pagsuporta sa Chikiting Ligtas nga kampanya.

Gipahitabo ang maong supplemental immunization activity campaign sa tibuok nasud atong Mayo 2 to hangtod Hunyo 15. (mlu/PIA Davao Oriental/Photos by DavOr PLGU)