CITY OF MATI, Davao Oriental (PIA) - - Gidayeg sa Department of Science and Technology - Science and Technology Information Institute (DOST-STII) ang usa ka empleyado sa ilang probinsiyal na opisina sa Davao Oriental sa pagpakaylap sa Science and Technology Academic and Research-Based Openly Operated Kiosk Stations (STARBOOKS).

“Ginapriority namo ang mga lagyo kay kabalo kami na limited lang jud kaayo ang access sa mga bata sa educational materials and malipay kami nga nakaserve ta ug sa makalampos pud sila sa ilang kaugmaon,” ingon siya.

Sa pagkakaron, nakabutang na siya og suma total 114 ka mga digital libraries sa probinsya, apil naa ng duha ka solar-powered nga STARBOOKS.

Gawas sa pagbutang og mga laybrari, gitudluan pud ni Gagama ang mga magtutudlo ug mga estudyante sa tamang pagamit sa maong teknolohiya. (MLU/PIA Davao Oriental/Photos from DOST Davao Oriental)