KALIBO, Aklan (PIA) -- Magatigayon it sang-adlaw nga “Passport on Wheels” ro Lokal nga Gobyerno it Kalibo sa pakipagbuligay sa Department of Foreign Affairs (DFA) sa Hulyo 24, sa Aklan Catholic College (ACC) covered court iya.

Suno kay Kalibo mayor Juris Bautista Sucro, ro mobile passport processing hay strikto nga pagasundon ro “first come, first serve basis,” ag raya hay para sa mga residente it Kalibo eamang tungod sa limitado nga slot.

Base sa report it Public Employment Service Office (PESO)- Kalibo, 600 slots eamang ro i-akomodar sa pagproseso it passport.

Ginhambae man ni Sucro nga ro administrasyon it mobile passport processing hay nakatuka sa PESO it LGU nga kung siin ro pre-registration ag screening sa tanan nga aplikante hay pagahimuon sa Hulyo 4 asta 6, para mamanehar ro limitado nga slot.

paagi sa email, kung siin dapat nanda nga bayran ro mga nakaigo nga baeayran sa sueod it 72 oras sa mga authorized payment center nga gintao it DFA, samtang ro data capturing ag aktwal nga pagproseso it passport hay sa nasambit nga petsa.

Bilang general reminders, ro mga naduea ag samad-samad nga mga passport (renewal applicants) hay indi pagabatunon ag ro mga walk-in nga mga aplikante hay indi pag-i-akomodar sa nasambit nga petsa it appointment.

Dugang pa, ro mga Kalibonhon nga magabaton it nasambit nga mga serbisyo hay may aktibo dapat nga email address ag ro mga requirements nga ipresentar hay klaro ag mabasahan kaibahan it anda nga mga orihinal nga kopya.

Paga-isyuhon ro pormas sa aplikasyon sa petsa it pre-registration ukon pwede man raya ma-access sa harang link: https://drive.google.com/.../1Rp89hUqVuE8KOElfUt07VCBAUne...

Ro mga interesado nga aplikante hay pwede man magtawag sa PESO-Kalibo sa numero (036) 262-0559 para sa dugang nga impormasyon ag iban pa nga mga pangutana. (AGP/SQP/PIA Aklan)