KALIBO, Aklan -- Padayon ro pag-einapad it pangkalibutan nga koneksyon it probinsya it Aklan tungod sa insigida man nga pagbinalik it mga international direct flights sa probinsya. 

Balik operasyon ro Loong Air sa Kalibo International Airport (KIA) nga kung siin ku Hunyo 28, hay may ana nga inaugural flight daea ro 171 nga mga pasahero ag raya hay gin-abi-abi it Civil Aviation Authority of the Philippines (CAAP)- Kalibo nga gintaw-an raya it ceremonial water cannon salute. 

Suno kay Karah Nillasca, acting records officer it CAAP-Kalibo, sa Hulyo ngara ro Loong Air hay maga-operar sa KIA an-um nga beses kada dominggo nga mahalin sa Hangzhou, Ningbo kag Winzhou, China.

Nag-umpisa man ku Hunyo ngara ro Tiger Air it direkta nga ruta halin Taipei paagto Kalibo nga sa harang buean tatlong beses eon kada dominggo ro skedyul.

Ro Air Busan mat-a hay daywang beses kada dominggo halin Busan paagto Kalibo.

Samtang, ro Caticlan Airport sa Malay hay naga-akomodar it Royal Air Philippines nga adlaw-adlaw may direktang byahe halin Taoyuan International Airport.

Ku Hulyo 9, gin-abi-abi man sa Caticlan airport ro maiden flight it Royal Air halin Hongkong nga may 97 sakay nga mga turista paagto sa Isla it Boracay. Raya hay may inisyal nga skedyul Martes, Huwebes, ad Dominggo.

Euwas sa mga internatonal flight ro Kalibo ag Caticlan airport naga-akomodar man it masobra ka mga 40 domestic flight halin Manila, Cebu, ag Clark kada adlaw.

Ro CAAP- Kalibo hay eagko ro pagpati nga ro pagdinugang it mga domestic ag international flight hay makabulig gid sa pagbangon ag amat-amat nga pagbaskog it ekonomiya sa probinsya sa pag-inabo it mga flight nga ginaakomodar it mga airport sa Aklan. (AGP/SQP/PIA Aklan)