MANILA, July 26 (PIA) -- Si Presidente Ferdinand R. Marcos Jr. mitanyag og amnestiya sa mga rebel returnees ug nangayo og suporta sa kongreso atol sa iyang ikaduhang State of the Nation Address (SONA) niadtong Lunes.
Matud pa sa Pangulo nga ang armadong pakigbisog sa mga rebelde sa Pilipinas "nag-evolve" padulong sa kalinaw ug kalamboan.
"Through community development and livelihood programs, the Barangay Development and Enhanced Comprehensive Local Integration Programs have been effective in addressing the root cause of conflict in the countryside
Pinaagi sa community development ug livelihood programs, ang Barangay Development ug Enhanced Comprehensive Local Integration Programs nahimong epektibo sa pagsulbad sa hinungdan sa panagbangi sa kabanikanhan),” matud pa ni Marcos.
Aron makompleto kini nga proseso sa reintegration, matud pa sa Pangulo nga mag-isyu siya og usa ka Proclamation nga maghatag amnestiya sa mga rebel returnees, ug gihangyo niini ang Kongreso nga suportahan siya sa maong paningkamot.
Ubos sa Section 19, Article VII sa 1987 Konstitusyon, ang Presidente adunay gahum sa paghatag og amnestiya uban sa pag-uyon sa mayoriya sa tanang mga miyembro sa Kongreso.
Si kanhi Presidente Fidel Ramos mao ang unang presidente nga mihatag og amnestiya sa mga rebelde sa dihang iyang giluwatan ang Proclamation No. 347 niadtong Marso 1994.
Sa laing bahin, gilagdaan ni kanhi Presidente Rodrigo Duterte ang upat ka proklamasyon niadtong 2021 nga naghatag og amnestiya sa mga miyembro sa communist movement, ang Moro National Liberation Front ug Moro the Islamic Liberation Front.
Matud pa sa anti-communist task force sa gobyerno, kapin sa 20,000 ka mga kanhi rebeldeng komunista ang misurender na sa gobyerno. (ECB/PIA7-Bohol)
