TUGUEGARAO CITY, Cagayan (PIA) - - Hindi man personal na nakarating ay tiniyak ni Senador Christopher Lawrence "Bong" Go na mabigyan ng food packs ang mga katutubong Agta na biktima ng nagdaang bagyong Egay sa bayan ng Allacapan dito sa lalawigan.

Naiparating ang hindi bababa sa 500 food packs sa pamamagitan ni Kirvy Camarillo mula sa Tanggapan ni Senador Bong Go.

Agad namang ipinamahagi ang mga nasabing food pack ng lokal na pamahalaan  sa 289 katutubo.

Ang pamamahagi ay pinangunahan nina Mayor Harry D. Florida at Vice Mayor Yvonne Kathrina Florida.

Ipagpapatuloy naman ng lokal na pamahalaan sa pamamagitan ng Municipal Social Welfare and Development Office ang pamamahagi ng ayuda upang mabigyan ang iba pang mga katutubong Agta na hindi nakapunta sa naitakdang distribusyon. (MDCT/PIA Cagayan)