SIQUIJOR, Siquijor, Aug. 9 (PIA) -- Mikabat sa 314 ka mga pamilya ang nakabenipisyoan sa Pantawid Pamilyang Pilipino Program kon 4Ps sa Probinsya sa Siquijor ang ni gradwar na sa programa sa Department of Social Welfare and Development o DSWD, timailhan nga sila nga miasenso na sila sa ilang kahimtang sa kinabuhi.
Sul-ob ang mga puti nga bisti, ang mga Siquijodnon nakapahiyomong mipaso sa entablado sa Siquijor State College ug nakiglamanohay sa mga opisyales sa nasyonal ug lokal nga kagamhanan ning isla.
Aduna'y 12 ka pamilya sa munisipalidad sa Larena ang nakalingkawas na sa kalisud, 28 sa Enrique Villanueva, 86 sa Lazi, 42 sa Maria, 115 sa San Juan ug 31 ka pamilya sa lungsod sa Siquijor, 122 kanila ang naka lampos na sa elementarya, 181 sa Junior High School ug 440 sa Senior High School, 176 kanila opisyales na sa gobyerno, nagserbisyo na sa katawhan pinaagi sa nagkadaiyang ahensya sa gobyerno, nakapatukod ug napalambo na ang negosyo ug naa usab ug Overseas Filipino Worker.
Si Department of Social Welfare and Development (DSWD-7) Regional Head Shalaine Lucero (2nd from right) kauban ang mga opisyales sa lokal nga kagamhanan sa Siquijor nga gipangulohan ni Cong. Zaldy S. Villa (3rd from left) nakiglamanohay sa mga benepisyaryo sa Pantawid Pamilyang Pilipino Program (4Ps). (NRO/PIA7-Siquijor)
Ang 4Ps usa ka sukdanan sa gobyerno sa kauswagan sa kahimtang sa matag myembrong panimalay niini ug ang mga malakip sa maong programa mao kadtong mga lisud ug uyamot aron ma improb ang panglawas, nutrisyon ug edukasyon sa mga kabataan.
Mapasigarbohon usab ang mga kadagkoan sa gobyerno sa probinsya sa matag panimalay nga makasugakod na sa ilang kaugalingong pagpaningkamot ug mapasalamaton sila sa padayong kalamboan sa probinsya sa isla. (RAC/NRO/PIA7-Siquijor)
Si Marygen Suan, huwarang pamilya sa Siquijor, nagpadayag sa iyang makadasig nga mensahe ngadto sa mga kauban niyang benepisyaryo sa Pantawid Pamilyang Pilipino Program (4Ps). (NRO/PIA7-Siquijor)
