SIQUIJOR, Siquijor, Aug. 9 (PIA) -- Gitambongan sa 140 ka mga student government officers gikan sa 28 ka pribado ug publikong tunghaan ang kumbating ni atraka sa mga hagit sa gipahigayong Himamat Peace Camp 2.0  nga pasiugda sa Siquijor Police Provincial Office giulohan ni PCol Robert D. Lingbawan, katimbaya ang Kabataan Kontra Droga at Terorismo (KKDAT) Provincial Leaders, SPPO Provincial Advisory Group, Youth for Peace, Provincial Government of Siquijor ug Department of Education.

Ang aktibidad, aduna'y temang, "Kabataan: Bumangon, Gumising at Makiisa sa Paglikha ng Mapayapang Bukas" nga gipahigayon sa SPPO Provincial Headquarters.

Aktibo nilang gi tagbo ang mga aktibidades kalakip sa peace camp sama sa physical exercises, rescue techniques ug uban pang workshops ug lectures nga magpabaskog ug magpaligdong kanila sa pagsagubang sa tinud-anay nga hagit sa kinabuhi ilabina ang pagtabang sa komunidad sa pagwakli sa ilegal nga droga ug terorismo.

Nagkahiusa, nagtinabangay ug nalingaw pag-ayo ang mga kabatan-onan sa maong kalihukan diin ilang nakahimamat ang mga bag -ong higala ug nakat-onan usab nila nga palanggaon ug protektahan ang nasud pinaagi sa ilang pagpakabana sa matag-usa.

Katimbang ang Philippine Army, Bureau of Jail Management and Penology, Bureau of Fire Protection, Philippine Coast Guard, Philippine Information Agency, Provincial Social Welfare and Development Office, Integrated Provincial Health Office, Provincial Disaster Risk Reduction and Management Office ug Local Government Units sa kalamposan sa Himamat Peace Camp 2023. (RAC/NRO/PIA7-Siquijor)