ILIGAN CITY (PIA)--Pulo ka job seekers ang na-hired on the spot (HOTS) sa gipahigayon nga World Cafe of Opportunities subay sa ika-29 nga annibersaryo sa Technical Education and Skills Development Authority (TESDA)
Onse ka lokal nga kompanya ang nag-offer og 671 nga job vacancies samtang upat ka overseas agencies ang naghatag og 2,189 ka job offers. Anaa sa 506 ka mga aplikante ang mitambong sa job fair.
Nakigpartner ang TESDA sa Public Employment Service Office sa city government sa Iligan, ug sa Department of Labor and Employment - Lanao del Norte.
Naghatag sab ug assistance para sa mga aplikante ang Department of Migrant Workers -10, Pag-IBIG Fund, Social Security System, ug Philippine Health Insurance Corporation Iligan.
"Usa ni ka job linking program sa TESDA para ang graduates sa TESDA ug uban pod nga taga-Iligan ug Lanao del Norte makajoin niini nga job fair," sumala ni Norayah Acas, provincial director of TESDA Lanao del Norte.
Samtang, mapasalamaton si Charmaine Obenza, usa ka fresh graduate sa kursong Bachelor of Science in Tourism Management. HOTS siya sa HLM Pharmaceuticals ug Manulife.
Dako kaayo siya'g tabang sa job seeker, especially sa amoa nga fresh graduate. Makatabang gyud ni kay naa na tanang establishment, dali na. Dili na kailangan muadto pa og company jud nga isa-isa," sumala niya.
Pipila sa mga kompanya nga nag-offer og trabaho atol sa job fair mao ang Rural Transit Mindanao Inc., HLM Pharmaceuticals, Pru Life UK, and Jenerick International Manpower, Inc. ug uban pa. (LELA/PIA-10/Lanao del Norte)
