LUNGSOD QUEZON, (PIA) -- Muling nagbigay paalala ang Bangko Sentral ng Pilipinas (BSP) sa publiko na mag-ingat sa mga text scams.

Ayon sa BSP, mag-ingat sa text messages na may link galing sa hindi rehistradong numero. Ito ay isang anyo ng SMS Phishing o SMiShing kung saan nanlilinlang ang scammers para kunin ang iyong pribadong impormasyon gaya ng username, password, cellphone number, at one-time password o OTP.

Dagdag pa ng BSP na ang mga mensaheng ito ay maaring mayinstruction na i-click o i-copy-paste ang mga kahina-hinalanglink sa iyong browser.

Agad na makipag-ugnayan sa inyong bangko o e-money provider kung nakompromiso ang inyong account. Maaari ring i-report ang mga scammer sa pamamagitan ng mga sumusunod:

• Cybercrime Investigation and Coordinating Center ng Department of Information and Communications Technology: https://cicc.gov.ph/report/

• Philippine National Police Anti-Cybercrime Group Complaint Action Center Hotline: Landline +63 (723-0401 local 7491 o Cellphone 0961-829-8083 and 0915-589-8506

Kapag sa inyong palagay ay hindi nabigyan ng sapat na aksyon ng bangko o e-money provider ang inyong hinaing, ipagbigay-alam ito sa BSP Online Buddy o BOB. Makakausap si BOB sa pamamagitan ng mga sumusunod:

1. I-click ang BOB icon sa BSP website (www.bsp.gov.ph)

2. Mag-chat sa Messenger ng BSP (https://www.m.me/BangkoSentralngPilipinas/)

3. Kung Globe subscriber, mag-text sa 21582277 (may karampatang bayad)

Para sa karagdagang impormasyon tungkol sa BSP Consumer Assistance Mechanism, bisitahin: https://bit.ly/BSPCAM

Protektahan ang sarili mula sa mga scam at iba pang uri ng panloloko.

Payo ng BSP, gawin ugaliing mag check, protect, at report. (BSP/PIA-NCR)