SYUDAD SANG ILOILO (PIA) -- Agud makahatag sang nagakaigo nga manpower kag masuportahan ang mga manunudlo sa paghatag sang dekalidad nga pagtudlo sa mga estudyante, gin-aprubahan na ni Tiglikum Amenah F. Pangandaman sang Department of Budget and Management ang pagtukod sang 5,000 non-teaching positions sa nagkalain-lain nga buluthuan nga ginadumala sang Department of Education (DepEd) sa bilog nga pungsod.

"Under the leadership of our Vice President and concurrent DepEd Secretary Inday Sara Duterte, nag-release po ang DepEd ng roadmap— the MATATAG Agenda. Makikita doon pati ang mga kailangang tugunan natin in terms of buildings, teachers, facilities, etc. Nakalatag po lahat sa kanilang roadmap. So, we just want to be consistent with that," suno kay Tiglikum Pangandaman.

Ginabug-usan ang 5,000 items sang 3,500 Administrative Officer (AO) II positions nga tinutuyo nga kuhaon sa mga manunudlo ang administrative tasks nga nagasuporta sa mga operasyon kag 1,500 Project Development Officer (PDO) I positions nga nagabulig sa mga AO II kag iban pa nga non-teaching personnel pinaagi sa pagpatuman sang mga programa, proyekto kag aktibidad nga ginapangunahan sang mga eskwelahan ukon mandato sang DepEd Central Office.

Makabaton ang mga yara sa AO II kag PDO I positions sang basic salary nga nagabalor P27,000 (SG-11) sandig sa Fourth Tranche Monthly Salary Schedule for Civilian Personnel of the National Government.