No. of :

No. of Shares:

Currently viewed by: Marcus Rosit

  1. Home
  2. News
  3. SSS ginapahanumdom pagbayad sa oras kang kontribusyon

SSS ginapahanumdom pagbayad sa oras kang kontribusyon

Write a comment

Delete

SAN JOSE, Antique (PIA) -- Ginapahanumdom kang Social Security System (SSS) ang pagbayad kang mga employer kang kontribusyon kang andang mga empleyado sa insakto nga oras. 

Sa idalom kang Republic Act (R.A.) No. 11199, ukon ang Social Security Act of 2018, ginamanduan ang mga employer nga baydan andang parte sa social security contribution kang mga empleyado. 

Delete

Sa sangka press release, ginhambal ni SSS President kag Chief Executive Officer (CEO) Rolando Ledesma Macasaet nga dedikado ang andang ahensya sa paglagas sa mga employer nga wara nagabayad sa kontribusyon kang mga empleyado. 

Suno kay Macasaet, kada employer may naga-asikaso nga SSS account officer (AO) nga nagasiguro nga may pagsunod sa layi kag regular nga nagapreparar kang Statements of Account (SOA), gani, makita gid ang mga kakulangan sa pagbayad.

Delete

Para sa mga employer nga wara nakabayad sa sulod kang nakatalana nga deadline, nagapadara ang SSS kang “billing letters,” samtang “demand letter” duman kung nagapadayon sa paglikaw sa andang responsibilidad nga magbayad kang kontribusyon. 

Pwede man mapasakaan kang kaso ang dyang mga sahi kang employer. 

Ginapasanyog man kang SSS ang Run After Contribution Evaders (RACE) campaign nga nagatugro kang “Notice of Violation” kag direktiba sa mga employer nga mag-adto sa pinakamarapit nga SSS branch sa sulod kang 15 ka adlaw.

Delete

Dugang ni Macasaet, apisar nga andang ginalagas ang mga employer nga wara nagabayad kontribusyon, ang SSS may ginatugro man nga “contribution penalty condonation programs” nga pwede magkakas kang mga penalidad kung kwalipikado.

Ginapanugyan man kang SSS sa mga employers nga makig-angot sa andang opisina para i-update lista kang mga empleyado.

Sa bahin ni SSS Antique branch manager Phillip M. Lucero, anang gina-agda ang tanan nga magbayad sa oras kang 

Delete

kontribusyon kag loans, kag ana man gintugruan importansya ang pagsunod sa mga layi para malikawan ang mga legal nga problema sa urihi.

Ginasiguro man kang SSS nga dya may kapasidad sa pagtugro kang mga benepisyo kag loans sa mga pensionado kag miyembro bangod sa manami kag mapag-on nga estado pinansyal. (AGP/BPS/PIA Antique with reports from Social Security System and SSS Antique Branch)

About the Author

Bernard Ceasar Susbilla

Information Officer

Region 6

Electronics Engineer/Writer

Related News

Feedback / Comment

Get in touch