No. of :

No. of Shares:

Currently viewed by: Marcus Rosit

  1. Home
  2. News
  3. APHO nagapangandam sa epekto kang secondhand smoke

APHO nagapangandam sa epekto kang secondhand smoke

Write a comment

Delete

SAN JOSE, Antique (PIA) -- Nagapangandam ang Antique Provincial Health Office (APHO) sa publiko kang makaharalit nga epekto kang secondhand smoke (SHS).

Hambal ni Health Education and Promotion Officer Irene R. Duldoco kang APHO, bahol ang risgo kang paghaklo kang SHS hay dya may nicotine kag iban pa nga mga kemikal pareho sa aso nga ginabuga kang mga nagapanigarilyo.

Delete

Base sa mga pagtuon, ang secondhand smoke, kilala man sa tawag nga involuntary smoking ukon passive smoking, may mas taas nga konsentrasyon kang nicotine kag carcinogen kumpara sa mainstream smoke, ukon aso nga ginabuga sa pagpanigarilyo.

Mas duro nga SHS ang ginahaklo, mas duro man nga makahirilo nga kemikal ang nagasulod sa lawas nga pwede magtuga kang nagkalain-lain nga sakit sa baga kaangay kang cancer, pneumonia, kag tuberculosis ukon TB.

Delete

Bangud man sa secondhand smoke, ginhambal ni Duldoco nga ang pagpanigarilyo indi lang makaapekto sa mga nagapanigarilyo kundi pati man sa andang pamilya, ilabi ron sa kabataan, kag sa bilog nga komunidad.

Nagapati ang National Nutrition Council (NNC) nga ang mga lapsag kag kabataan ang pinakaapektado sa secondhand smoke tungod ang andang gamay kag naga-develop pa lang nga baga ang nagabaton dun kang duro nga kemikal.

Delete

Sa padayon nanda nga paghaklo kang secondhandsmoke, pwede makaagom ang mga kabataan kang impeksyon, ubo, sip-on, pagkaguba kang unto, kag problema sa baga pareho kang bronchitis kag kabudlay sa pagginhawa.

Agud maprotektaran ang kabataan sa secondhand smoke, nagapanugyan ang APHO sa mga nagapanigarilyo nga mag-untat don para sa ikaayong lawas kang andang pamilya kag komunidad.

Dugang pa ni Duldoco, pareho lang sa pagpanigarilyo ang vaping tungod dya man may delikado nga mga kemikal nga makaapekto sa baga.

Delete

Ana man ginapamaan nga ang Department of Health (DOH) kag APHO makabulig gid sa mga gusto ron mag-untat sa pagpanigarilyo paagi sa smoking cessation clinics nga nahamtang sa nagkalain-lain nga health facility sa probinsya. (AGP/BPS/PIA Antique/Photos courtesy of DOH Philippines)

About the Author

Bernard Ceasar Susbilla

Information Officer

Region 6

Electronics Engineer/Writer

Related News

Feedback / Comment

Get in touch