Ginasaad sa nasambit nga report sang BFAR nga ang tanan nga sahi sang pakinhason nga nakuha sa natumod nga mga lugar ang indi dapat pagkaonon bangud mataas ang presensya sang red tide kag delikado sa ikaayong lawas.
Apang, gindugang sang BFAR nga ang mga isda, pasayan ukon lukon, lokus kag alimango, ang luwas sa katalagman sang red tide gani sarang nga makaon pero kinahanglan nga mahugasan sang maayo kag ang mga hasang subongman tinae kag kasudlan ang kuhaon antes nga lutu-on.
Nahibaluan nga 32 ka mga kaso kalakip sang isa nga napatay ang ginadudahan nga bangud sang pagkaon sang tahong nga may red tide base sa pagpang-usisa sang Capiz Epidemiological Surveillance and Response Unit (CESRU) sang Provincial Health Office.
