SAN JOSE, Antique (PIA) -- Nagpresentar kang anda plano sa pagnegosyo ang mga kabataan sa Antique paagi sa Youth Entrepreneurship Program (YEP) kang Department of Trade and Industry (DTI) pagkatapos kang apat ka adlaw nga capability building program.

Suno kay DTI Antique Information Officer Jenny Tabalanza, may 15 ka mga kabataan nga nagpasakop kag nakatapos sa una nga batch ka YEP – You Can Be Your Own Boss (BYOB) nga paghanas kag sanda nagpresentar kang anda ideya sa pagnegosyo sa tubang kang mga hurado.

Ang nasambit nga top scorers ang nagrepresentar kang Antique sa business pitching sa regional level.

Ang CDE Goodies nalakip sa 10 ka manami nga plano sa mga nagpasakop sa regional pitching kag dya makabaton kang cash prize para ma implementar ang anda nga business idea.

Ang iban pa nga nagpasakop sa nasambit nga paghanas amo sanday Hanna Mae M. Quanico, Jen Joy T. Ellaga, Donna Mae M. Cortejo, Danielle Blaise M. Yanong, Charlene S. Singabor, Jenelyn V. Capistrano, Chiarrah Micah B. Vargas, Christian J. Mellervo, Rean Mae D. Magbanua, Nowelien S. Raymundo, Michelle Ann A. Tiamson, Joeverene V. Sadaya, kag Edrian Ecube.

Nagpasalamat man ang DTI Antique sa San Jose Multi-purpose Cooperative sa pagbulig kananda sa dya nga programa. (AGP/PSM/PIA Antique with reports from Cheryl Ann Santosildes/GIP)