SYUDAD SANG ROXAS, Capiz (PIA) -- Kapin sa 31 ka mga kwalipikado nga rice retailers sa syudad sang Roxas nga nagsunod sa "rice price cap" nga ginasaad sa Executive Order No. 39 ni Pangulong Ferdinand R. Marcos, Jr. ang magabaton sang bulig pinansyal gikan sa gobyerno sa Setyembre 14 diri sa Roxas City.

Gindugang pa ni Asas nga nakabulig man nga mapa-intindi sa mga negosyante sang bugas si bise gobernador Jaime Magbanua nga presidente man sang Grains Retailers Confederation of the Philippines (GRECON) agud nga suportahan sang mga rice retailers ang EO No. 39 nga nagatalana sa presyo sang regular milled rice sa P41.00 tagsa ka kilo kag well-milled rice nga P45.00 ang kada kilo.

Nahibaluan nga ang grupo sang negosyante sang bugas sa TATC amo ang isa sa mga labing una nga nagsunod kag nagpatuman sang rice price cap sa rehiyon kasunod sa serye sang mga dayalogo kag konsultasyon sang DTI, Department of Agriculture (DA), kag lokal nga pangulohan.

Ang mandato sa price ceiling sa bugas ang magapabilin magluwas lang kon mas temprano nga bawi-on sang Presidente sa rekomendasyon sang Price Coordinating Council ukon DTI kag DA. (AGP/AAL/PIA Capiz)