SAN JOSE, Antique (PIA) -- Ginsiguro kang Provincial Joint Security Control Center (PJSCC) rugya ang matawhay, malinong, kag tampad nga Barangay kag Sangguniang Kabataan Elections (BSKE) sa maabot nga Oktubre 30.

Hambal ni PJSCC Chair kag Antique Provincial Election Supervisor (PES) Salud Milagros Villanueva nga sangka man ka abogada, nagpabutyag ang mga miyembro nga ahensya kang PJSCC kang suporta sa pagpatigayon kang BSKE 2023.

Dugang pa ni PLTCOL Diel, ginmanduan ang mga hepe kang mga estasyon kang pulis sa bilog nga probinsya nga siguraduhon ang implementasyon kang guidelines kag regulasyon kang Commission on Elections (Comelec).

Sa anang parte, nagpasarig man si Lieutenant Colonel (LTCOL) Arturo Balgos, Jr. kang padayon nga suporta kag kooperasyon kang Philippine Army sa pagprotekta kang komunidad batok sa pagginamo dara kang Communist Terrorist Groups (CTGs).

Handa man ang CGSA sa pagdara kag pagprotekta kang mga materyales sa eleksyon sa nagkalain-lain nga mga isla kang Antique, suno kay Coast Guard Lieutenant Sergeant Rey Anacita.

Sa Antique, may masobra 500,000 ka rehistrado nga mga botante kag nagapati ang Comelec dya nga duro ang ma-gwa kag maboto sa eleksyon kadyang tuig. (AGP/CS/BPS/PIA Antique/Photo courtesy of Comelec)