Sinabi rin ni Hidalgo na ang mga lumang banknotes na punit, madumi o sinulatan ay maaari pang mapapalitan sa bangko. Ayon kay Hidalgo, huwag ng tanggapin ang mga ito sakaling ipambayad o isukli sa mga mamimili.
Samantala, pinaalala din ni Bank Officer II, Paulette Gay Menguilla sa ikalawang sesyon ng aktibidad ang mga maaaring idulot ng pakikipag-ugnayan sa mga gumagawa ng fraud at scam pati ang batas na Financial Consumer Protection Act o Republic Act 11765 (An Act affording more protection to consumers of official products and services).
Bukod dito, nalaman din ng mga mamamahayag sa nasabing sesyon ang adbokasiya ng BSP, tungkol sa currency management, mga tema ng bawat salapi at kung paano tugunan ang mga ‘fake news.’
Dumalo rin sa nasabing aktibidad ang mga kawani ng Department of Trade and Industry (DTI) Oriental Mindoro, Social Security System (SSS), mga kapulisan, empleyado ng bangko at marami pang iba. (DPCN/PIA MIMAROPA - Oriental Mindoro)
