SYUDAD SANG ILOILO (PIA) -- Nagkalain-lain nga suporta-pinansyal para sa pangabuhian ang ginpanghatag sang Department of Labor and Employment (DOLE) 6 sa mga manguguma kag mangingisda sa Kabisay-an Nakatungdan sang damlag lang.

Kapin 80 ka mga benepisyaryo gikan sa Estancia, isa ka coastal nga munisipalidad sa probinsya sang Iloilo, ang nakabenepisyo gikan sa P1.2 milyon nga livelihood assistance sang departamento.

Isa ka tseke nga nagabalor P600,000.00 para sa sari-sari store, food vending projects, motor engines, kag fishing gear ang ginhatag sa 40 ka benepisyaryo sa isla nga barangay sang Bayas, samtang amo man nga balor sang tseke ang ginhatag sa 40 ka benepisyaryo sang Brgy. Pa-on.

Ang mga mangunguma halin sa banwa sang Lemery sa Iloilo ang nakabaton man sang nanari-sari nga mga proyekto kag bulig halin sa DOLE 6 nga amo ang magahatag sa ila sang alternatibo nga palangabuhian, ilabi ang mga naga-salig lang sang ila kinitaan sa pagpanguma.

nakabaton man sang agricultural inputs nga nagabalor P500,000.00 para sa retail store nga mas magapadasig kag  magapabuhin sang gasto sang mga mangunguma nga nagabiyahe pa sa banta pito ukon walo ka kilometro para magbakal lang sang ila mga kinhanglanon sa pagpanguma.

Sa probinsya naman sang Antique, ang DOLE 6 gintugyan man ang balor nga P1,250,000.00 para sa pagpasangkad sang Coco Food Enterprise, ilabi na nga ini ang nahauna nga proyekto sa banwa sang Anini-y nga naghikot sang produksyon sang mga pagkaon gikan sa niyog.

Suno sa mga ginlathala nga balita sang DOLE 6, ang livelihood projects magahatag sang alternatibo nga pangabuhian sa mga pumuluyo ilabi sa ti-on sang tigpiligado kag ti-on sang kalamidad bangud mahibal-an nga ang industriya sang pagpanguma kag pangisdaan ang nagaserbe nga mga mayor nga pangabuhian diri sa rehiyon.

"We want to exploit what they have and their capacity to produce. The financial assistance will surely complement their respective industries and the abundance of resources in their backyard," siling ni DOLE 6 regional director lawyer Sixto T. Rodriguez, Jr.

Ginhinyo man ni Rodriguez sa mga benepisyaryo nga ila sustenaron ang mga ginpanghatag nga mga proyekto samtang siya nagpasalig man sang kahandaan sang DOLE sa pagbulig sa ila mga palaabuton nga mga hilikuton. (AAL/AGP/PIA 6 with reports from DOLE 6)