SYUDAD SANG ILOILO (PIA) -- Nalakip sa mga prayoridad sang Presidential Communications Office (PCO) para sa ginapanugda nga pondo sa 2024 amo ang mga hilikuton nga magapaalinton sang development agenda ni Presidente Ferdinand R. Marcos Jr. sa publiko kag ang pagtapna sa misinformation kag disinformation.

 “Number one priority siyempre, communication of the President’s (development agenda) but underlying that is the fight against fake news,” siling ni PCO Secretary Cheloy Velicaria-Garafil  Garafil sa ginhiwat nga Senate hearing tuhoy sa pondo sang PCO.

“Kaya nga po ngayon taon ay nag-launch po kami ng aming Media and Information Literacy Campaign para po matugunan itong problema natin sa fake news, which I believe I also discussed last year.”

Ang ginaproponir nga pondo igapresenta sa senado matapos ipasa ini sa deliberation sang Senate Committee on Finance’s Subcommittee nga ginadumalahan ni Sen. Joseph Victor Gomez “JV” Ejercito.

Ginapangabay sang PCO kaupod ang mga ahensya sa idalom sini ang P1.921 bilyon para sa pagpatigayon sang nanuhaytuhay nga mga programa kag modernisasyon sang pasilidad.

“Lumawak din talaga ‘yung naging function namin kasi part of our function now is ‘yung presidential engagements. So kami na rin ang nagko-coordinate at nagma-mount in part nung lahat ng lakad ni Presidente,” pahayag ni PCO chief.

“’Yung ibang function po ng PMS (Presidential Management Staff) ay napunta rin po sa amin. Kaya lumawak din ‘yung mga tao na papunta sa amin.”

Apang ang bag-o nga plastada nagakabagay man bangud mapadali sini ang hilukuton sang PCO sa pagsuporta sa Presidente tuhoy sa impormasyon kag mga kinahanglan nga komonikasyon, paathag ni Garafil

Samtang, nagpakita man sang suporta si Ejercito sa ginapanugda nga pondo sang PCO sa 2024 tungod sa dako nga bahin sang ahensya sa pagpalapit sang serbisyo sang gobyerno sa publiko.

“Mga balita at impormasyon din ang nagsisilbing daluyan ng komunikasyon ng pamahalaan sa ating taumbayan. Ang realidad, bawat administrasyon ay hinuhusgahan sa dami at kalidad ng mga proyekto at mga programang nagawa o napatupad. Dito higit na makikita ang kahalagahan ng PCO,” suno kay Ejercito.

“Naniniwala po ako na dapat tayong mamuhunan sa larangan ng impormasyon at pagbabalita,” dugang niya.

Sa idalom sang ginapanugda nga pondo sa National Expenditure Program, ang PCO nagapangabagay sang budget nga P495.768 milyon (28 percent); P179.485 milyon (10 percent) para sa Radio Television Malacañang; P378.914 milyon (21 percent) para sa Philippine Information Agency; P147.036 milyon (8 percent) para sa News and Information Bureau; P13 milyon (one percent) para sa National Printing Office; P95.638 milyon (5 percent) para sa Bureau of Communications Services; P482.011 milyon (27 percent) para sa Philippine Broadcasting Service; kag bulig sang gobyerno para sa People’s Television Network nga magalab-ot sa P128.914 milyon para sa modernisasyon sang pasilidad. (AAL/LMLE/PIA Iloilo/PND)