TAGBILARAN CITY, Bohol, September 20 (PIA) -- Isip nanguna nga ahensya sa pagpatuman sa Freedom of Information (FOI) Program, ang Presidential Communications Office (PCO), pinaagi sa FOI-Program Management Office (FOI-PMO), nagpalapad sa ilang mga paningkamot sa pagpauswag sa usa ka nasud nga nakiglambigit ug adunay kahibalo nga mga lungsuranon pinaagi sa pagpasiugda sa pag-akses sa impormasyon sa gobyerno sulod sa mga institusyong pang-akademiko ug mga espesyalista sa impormasyon.

Pinaagi niini nga inisyatiba, ilusad sa FOl-PMO ang FOl Workshop alang sa mga Librarians.

Ang FOl Workshop for Librarians maoy usa sa mga paningkamot sa FOI-PMO sa pagpasiugda og akses sa impormasyon sa gobyerno sulod sa academic institutions ug sa mga information specialist.

Tumong sa maong aktibidad nga ma-capacitate ang mga rehistradong librarians sa paggamit sa FOl Program ug FOI Portal sa ilang tagsa-tagsa ka library ug learning institutions.

Ang paggamit sa programa sa FOl makatabang sa mga estudyante ingon man sa mga miyembro sa faculty nga maka-akses og impormasyon sa gobyerno alang sa research ug paghimo og thesis.

Uban niini, gi-awhag ang mga lisensyado nga librarian, ug kadtong nagtrabaho sa publiko o pribado nga mga librarya, sa pagtambong sa FOl Workshop for Librarians karong Setyembre 29, 2023 gikan alas 8:00 sa buntag hangtod alas 5:00 sa hapon sa Panda Tea Garden Suites sa syudad sa Tagbilaran.

Libre kini nga workshop ug ang mga interesadong aplikante mahimong magparehistro pinaagi sa link nga: 2023WorkshopLibrarians. Kadtong makahuman sa Workshop makakuha og 5.5 nga credit units.

Alang sa dugang nga mga detalye, mahimong ma-kontak si Angelica Antolin pinaagi sa email address ppsd.foi@gov.ph o mobile number sa +63 968-678-6855. (ECB/PIA7-Bohol)