SAN JOSE, Antique (PIA) --  Ang Provincial Disaster Risk Reduction and Management Council (PDRRMC) nag-alokar kang pondo para sa mga pamilya kag komunidad nga naapektohan kang kalamidad matapos dya ginpaidalom sa "state of calamity" tungod sa Bagyong “Goring.”

Ang Sangguniang Panlalawigan kang Probinsya ka Antique nagpasar kang Resolution No. 860 series of 2023 nga nagdeklarar kang probinsya sa idalom kang state of calamity kag nagpain kang P9.1 milyon nga pondo.

Ang Bagyong Goring nagdara man kang kahalitan sa 551 ka mga balay kung sa diin 92 ang totally damaged kag 459 and partially damaged.

Ang sektor kang agrikultura nakaagum kang bahul nga kahalitan nga haros masobra sa P106 milyon sa  mga pananom, P21.9 milyon sa  sektor kang pangisdaan, kag P4.2 milyon sa mga kasapatan.

Ginreport man kang PDRRMC ang masobra P51 milyon nga bili kang mga narangga nga dalan, tulay, kag iba pa nga importante nga imprastruktura sa probinsya. (AGP/PSM/PIA Antique/Fema Galicia/GIP Intern)