SYUDAD SANG ILOILO (PIA) -- Mangin dako nga bulig para sa mga konsumidor, trucker kag mga manufacturer ang pagpagwa sang Executive Order (EO) No. 41 ni Presidente Ferdinand R. Marcos Jr. nga may tinutuyo sa pagpanubo sang presyo sang mga balakalon samtang nagapalapit na ang pagsaulog sang paskwa.

Paagi sa EO 41, ginmando ni Presidente Marcos ang mga lokal nga mga panguluhan nga suspendihon ang pagsukot sang koleksyon sang pass-through fees agud mangin masulhay ang paghulag sang mga produkto sa nagkalain lain nga rehiyon.

Ini ang naga-angot man sa mga stratehiya agud papagsikon ang lokal nga mga industriya sa idalom sang Philippine Development Plan 2023-2028.

Suno kay Department of Trade and Industry (DTI) Undersecretary for Communications Kim D. Lokin, ang EO 41 magapasanyog sang ease of doing business, magabulig sa pagpanubo sang presyo, kag magahatag sang solusyon sa mga problema sang mga konsumidor sa pagpanubo sang presyo sang mga balaklon.

“So that, at the end of the day, when the product reaches them, goods and even services mababa po, kahit papaano ay kaya pa po nila – affordable and kung hindi man po bumaba ay hindi naman po tataas,” suno kay Lokin nga ginapasamalatan ang Presidente sa pagpagwa sang EO 41.

Ginpakigbahin man ni Papa ang dugang nga bayad sang mga truckers nga ginamando sang mga LGUs pinaagi sa pass-through fees.

Dugang pa, ang syudad sang Manila nagapatuman sang road user’s taxes sa balor nga P2,000 - 2,500 sa kada isa ka truck taga bulan.

Suno pa gid kay Papa, magalab-ot sa P30,000 ang dugang nga balayran sa logistics sa mga truckers kag ini man ang nagapabug-at sa ila bangud napahamtang man sa Manila ang duwa ka dalagko nga mga pwerto.

“So, para po kaming captured audience, para po kaming forced to buy their travel permit. Apart from that also, the largest domestic port is also in Manila,” paathag ni Papa.

“Hindi po ito parang, we are given a chance eh, kaya po napakalaking bagay na mawala ito. Other *local NGOs* impose on annual basis, some would impose P800, P675, varied po talaga.”

Ginalauman man sang ACTOO nga mangin kabahin sila sang technical working group sa pagdihon sang implementing rules and regulations (IRR) sang EO kun sa diin luyag sang asosasyon nga binagbinagon, luwas sa mga national roads, amo ang mga dalanon padulong sa mga business centers, manufacturing sites kag warehouses

Ginapaabot man sang asosasyon nga tungod sa EO, makonsiderar sang mga LGUs ang dako nga epekto sang pagpatuman sang mga buwis, levies, kag mga permits.

Ginpahayag ni Papa nga ang pag-deliber sang mga produkto sa nagkalain lain nga mga lugar ang may kaangtanan sa ekonomiya kag bilog nga pungsod. (AAL/LMLE/PIA Iloilo/PND)