SYUDAD SANG ILOILO (PIA6) – Lakip sa mga napasidunggan subong nga tuig sa Galing Pook Awards ang kampanya sang probinsya sang Iloilo nga “zero open defecation” (ZOD).

Ginapakita sang nasambit nga kampanya ang dedikasyon sang Iloilo Provincial Government pinaagi sa Provincial Health Office (PHO), nga maghatag sang mas maayo nga serbisyo para sa ikaayong lawas kag sanitation program para sa mga Ilonggo.

Ginpahayag ni Iloilo Gov. Arthur Defenso Jr. nga ang pasidungog nga nabaton sang probinsya nagapatimaan lang sang maayo nga epekto nga nahatag sang ZOD campaign sa publiko.

“Kung tan-awon mo, at first, this is not a very attractive project, pero this is very important, amu na nagakalipay kita nga gin-recognize siya sang Galing Pook. This is very important, as this is good for the health and environment,” pahayag ni Defensor.

movement na ini kay may ara na community mobilization,” siling ni Colmenares-Quiñon.

Kung matandaan, nauna nga ginpakilala sang United Nations Children’s Emergency Fund (UNICEF) ang ZOD campaign sa Iloilo pagkatapos sang bagyong Yolanda sang 2013, kag nag-umpisa naman ang kampanya sang probinsya sa mga kabanwahanan sang 2015 kung sa diin ginasiguro sang lokal nga panguluhan sang Iloilo nga wala sang “defection” sa palibot para malikawan ang kontaminasyon sa tubig nga nagatuga sang sakit kaangay sang typhoid, hepatitis, diarrhea, kag amoebiasis.

Sang Nobyembre 2022, ginpasidunggan sang Department of Health (DOH) ang Iloilo sang ZOD Grade 1 status, kung sa diin pinakauna ang probinsya sa Kabisay-an Nakatungdan kag ika-tatlo sa bug-os nga Pilipinas nga nalambot ang amu nga pasidungog.

Sa pihak nga bahin, ginpahayag man ni Defensor nga importante ang “behavioral adjustments” sang mga pumuluyo kag ang padayon nga pag-imprubar sang mga pasilidad para masustinir sang probinsya ang ZOD status kag

Nagahatag ang lokal nga panguluhan sang P5 million nga pondo kada tuig para sa pagpatukod sang toilet kag sanitation facilities bilang preparasyon man sang probinsya sa G2 ukon Basic Sanitation Status.

“Gusto naton nga mas maayo pa gid ang cleanliness kag functionality sang facilities sang Ilonggos. From the household level, we will move to the facilities of the government, our schools, and commercial establishments and we want to achieve that nga maayo ang facilities naton for health, environment and tourism,” pahayag ni Defensor. (AAL/JNH/PIA Iloilo)