SYUDAD SANG ILOILO (PIA6) – Gin-aprubahan sang damlag lang sang National Economic Development Authority (NEDA) ang kapin P8.48 billion nga loan restructuring para sa pagtapos sang Jalaur River Multipurpose Project Stage II (JRMP II) sa Calinog, Iloilo.

Bangud sini, ginkilala kag ginpasalamatan sang National Irrigation Administration (NIA)-6 kag ni anay senador Franklin Drilon ang suporta nga ginhatag ni Pangulong Ferdinand Marcos Jr., nga amu man ang nagapungko bilang chairman sang NEDA Board, para sa padayon nga pagpatapos sang proyekto.

Nagapati si Drilon nga kung mangin operational ang dam, magasaka ang ani nga palay sang mga mangunguma sa probinsya sa masobra 300,000 metric tons kada tuig bangud man sang tayuyon nga supply sang tubig sa mga irigasyon.

“Iloilo used to be the rice granary of the country. Today, we no longer enjoy the status. But once the dams are completed and fully functional, from the present 100,040 metric tons of palay, it would increase to 300,000 metric tons per year. Therefore, not only will we be sufficient, but we will also be an exporting province,” siling ni Drilon.

the Municipality of Calinog, the High Dam will ensure year-round irrigation water supply to 31, 840 hectares of farmlands in the Province of Iloilo,” pahayag sang NIA-6.

Samtang ang Jalaur AfterBay Dam, nga magahatag sang tubig pang irigasyon sa mga kaumahan sa Zone 1 sang proyekto kag maga-regulate sang tubig halin sa impounding dam pakadto sa High Line Canal, ang makabig na nga “substantially completed” sa kataasun nga 38.5 meters.

Ginalauman nga ang JRMP II makahatag sang irigasyon sa 31,840 hectares nga talamnan sa Iloilo; maka-generate sang 6.6 megawatts sang hydroelectric power, 86 million liters nga bulk water sa probinsya kag syudad sang Iloilo kada adlaw; kag maka-bulig hagan-hagan sang pagbaha sa Calinog kag kalakip pa nga mga banwa.

Gintumod man sang NIA-6 nga ang JRMP II ang makabulig sa pagpalapad sang production areas sang tubo sa Iloilo kag pagpataas sang produksyon sang palay tubtob 71.54 percent ukon 338,874 metric tons kada tuig. (AAL/JNH/PIA6 Iloilo)