intoxicating liquor anywhere in the Philippines."
Ang Philippine National Police (PNP), National Bureau of Investigation kag Local COMELEC Officers ang magapatuman sang sini nga pagdumili.
Exemptions para sa mga Turista
Ang hilway gid lamang sa sini nga pagdumili ang mga dumuluong nga turista nga nagatener sa mga hotel, resort, restaurant kag kasubong nga mga establisamiyento ginsertipikahan bilang "tourist-oriented" sang Department of Tourism. Ini nga mga establisamiyento magapadayon nga magaserbe sang makahulubog nga ilimnon sa tion sang liquor ban kon sila ang nakakuha sang exemption nagikan sa ila mga lokal nga talatapan sang COMELEC bag-o ang nahinambitan nga mga petsa. Sa Metro Manila ang mga kasubong nga establisamiyento mahimo magkuha sang exemption nagikan sa Regional Election Director sang COMELEC National Capital Region.
Penalidad sa mga Paglapas
Ang mga penalidad ukon multa sa paglapas sa sini nga pagdumili ang mabug-at. Magapangatubang ang mga naglapas sang pagkabilanggo sang isa tubtub anum ka tuig nga wala sang probation kag mahimo man nga permanente dumilian nga makapangalagad sa pampubliko nga talatapan. Tuman ka importante para sa mga pumuluyo kag negosyo nga magtuman sa sini nga regulasyon agud malikawan ining mga resulta.
“Anyone found violating any of the provisions may face the penalty of imprisonment of not less than one year, but not more than six years without probation,” according to the PNP.
Tinutuyo sang Liquor Ban
Ang nagapanguna nga tinutuyo sang liquor ban sa tion sang eleksyon nga mapabilin ang integridad sang proseso elektoral. Pinaagi sa pagtapna sang insidente sang pagpamintas, pamakal sang boto kag indi nagakadapat nga influensya may kaangtanan sa pag-inom sang makahulubog nga ilimnon, tinutuyo sang gobyerno nga mapatigayon ang malinong kag alalangay nga palibot para ang mga botante ang makapabutyag sang kaugalingon nga pinili.
"The Commission on Elections sternly reminds the candidates to be role models of good citizenship by strictly adhering to the applicable laws and issuances relative to campaigning," pahayag sang COMELEC. Bilang responsable nga pumuluyo, aton katungdanan nga sakdagon ang ining mga regulasyon para sa kaayuhan sang tanan.
Bangud si ginapatuman nga liquor ban sining panahon sang eleksyon, mas maayo magtago sang ilimnon sa puluy-an kon luyag mag-inom. Panumdumon nga mag-inom sang responsable kag ang pinaka-importante sa tanan nga magboto sa adlaw sang eleksyon.
Importante nga mga Petsa nga Dapat Tandaan
Ang campaign period para sa 2023 BSKE nagsugod sang Oktubre 19 kag magapadayon tubtub Oktubre 28.
Natalana ang opisyal nga oras sa pagboto para sa Oktubre 30, humalin 7 a.m. tubtub 3 p.m. nga gindeklarar special non-working day.
Dugang pa, ang mga senior citizen, persons with disabilities, kag mga nagabusong nga kababaenhan makaboto sumugod 5 a.m. para sa ila kahapusan.
Bilang responsable nga mga botante kag pumuluyo nga nagasunod sa kasuguan, i-prayoridad ang katungdanan sibiko pinaagi sa pagpasakop sa palaabuton nga eleksyon.
Magpabilin nga nakahibalo natuhoy sa liquor ban, magtuman sa mga pagsulondan kag pat-uron ang malinong kag alalangay nga proseso elektoral. Ang imo boto importante, siguraduha nga maisip ini. (AAL/LAF/PIA6-Iloilo/PIA-NCR)
