KALIBO, Aklan (PIA) -- Opisyal eon nga nabaton it probinsya it Aklan ro Gawad KAlamidad at Sakuna LAbanan, SAriling Galing ang Kaligtasan (KALASAG) Seal for Excellence in Disaster Risk Reduction and Management and Humanitarian Assistance nga may  “Beyond Compliant” nga rating.

Gintao it National Disaster Risk Reduction and Management Council (NDRRMC) ro award kunduraya eang bilang pagkilaea sa daeayawon nga kontribusyon sa pagpabaskog kag pagpapag-on it mga komunidad kontra sa mga risgo it mga kalamidad.

Ro probinsya it Aklan hay isaea sa 256 Local DRRMCs sa nasyon sa hara nga dag-on nga nag-eapaw sa standard it NDRRMC.

Dugang pa, ro Aklan hay isaea sa daywa nga probinsya sa Western Visayas nga nabutang sa Beyond Compliant nga kategorya.

Si Gov. Jose Enrique Miraflores nga personal nga ginbaton ro award sa ginhiwat nga 23rd Gawad KALASAG National Awarding Ceremony sa Manila Hotel, hay gindayaw ro ana kapwa mga Akeanon, ag ginpahaegan ro mga pagpangabudlay it tagdumala ag empleyado it gobyerno probinsyal ag ro padayon nga suporta ag kooperasyon it mga Akeanon.

may dedikasyon ag solido nga plano, ag aksyon, para sa  DRRM ukon sa oras it kalamidad ag emerhensya, ag mga humanitarian assistance.

“Sa uman, ginpatunayan ta sa bilog nga nasyon nga ro mga Akeanon, isaehanon sa pagpreparar sa oras it sakuna ag handa sa oras it emerhensya,” hambae ni Miraflores.

Nagpasalig man siya nga ro probinsya it Aklan hay padayon nga magakooperar ag magasuporta sa nasyonal nga panggobyerno sa pagmintinar sa kahauman ag seguridad it bilog nga komunidad  ag publiko eabi na gid sa tunga it emerhesiya ag kalamidad.

Si PDRRMO-Aklan chief Manuel Jayfree Jizmundo nagpahayag man it pagpasaeamat sa probinsyal nga panggobyerno sa padayon nga suporta ag pagkomitar sa anda nga opisina sa pagpabaskog it disaster management and planning it probinsya.

Ana man nga ginkonsiderar raya nga isaea sa mga contributing factors sa pagbaton it  Gawad KALASAG award.

“Kami iya sa PDRRMO-Aklan hay malipayon gid sa suporta it provincial government sa opisina tungod nga bastante ro amon nga manpower para masigurado ro 24/7 nga operasyon, ag mga equipment nga eagko ro nabubulig sa pagtupad it adlaw-adlaw nga operasyon. Ro pinakabag-o nga nabakae hay ro P9.5 million brand new rescue truck,” suno kay Jizmundo.

No.024 series of 2022 nga ro composition hay sobra sa requirements sa RA 10121 (40 mandatory, 9 CSOs, ag 1 private sector) ag umpisa sadto, nagahiwat it regular nga quarterly ag emergency meetings nga makabulig sa pagpromotar ag pag-implementar it DRRM, climate change adaptation, ag mga humanitarian program.

Sa munisipalidad nga lebel, tanan nga 17 municipal DRRMC ag 327 Barangay Disaster Risk Reduction and Management Committees hay na-organisar.

Nagahiwat man ro PDRRMO iya it mga technical training kaparehos it Basic and Standard Life Support, Water Search and Rescue Training, ag High Angle Rescue Training paras a high school ag college nga mga estudyante, scouters, security personnel, ag mga empleyado it gobyerno ag pribadong sektor, ag iban pa depende sa kinahang-eanon, raya hay parte it anda nga capacity building nga mga programa.

Ginhambae man ni Jizmundo nga ro mga evacuation center sa probinsya hay na-stablisar ag narekognisar naman nga kung ano man nga oras mag-igo ro kalamidad ag disaster hay dayon nga magamit eagi.

Samtamg, ro National Gawad KALASAG Selection Committee gin-awardan man ro munisipalidad it Malay ag Ibajay sa probinsya it Aklan sa pagbuoe it Gawad KALASAG Seal nga may beyond compliant rating.

Ro kabawahunan it  Altavas, Balete, Banga, Buruanga, Kalibo, Libacao, Madalag, Nabas, New Washington, Numancia, and Tangalan, hay nakaagum it “Fully Compliant” rating para sa hugot nga dedikasyon ag kamayad sa disaster management and planning. (AGP/SQP/PIA Aklan)