SYUDAD SANG ILOILO (PIA) - - Magahatag ang gobyerno sang palangabuhian kag mga programa natuhoy sa skills development para sa mga public utility vehicles (PUV) driver, nga ang ila mga operator indi mag-consolidate sang ila individual franchise sa idalum sang kooperatiba ukon korporasyon. Ini ang ginpasalig sang isa ka opisyal sang Office of Transportation Cooperatives (OTC) sang Miyerkules.

Ginpahayag ni OTC chairman Jesus Ferdinand “Andy” Ortega nga ang mga ahensya sang gobyerno kasubong sang Department of Labor and Employment (DOLE) kag ang Technical Education and Skills Development Authority (TESDA) may ara sang natungdan nga mga ginpain nga pondo para sa nasambit nga mga programa.

solusyon para sa mga driver nga luyag mag-upod sa iban nga mga operator nga nagpasakop sa mandatory franchise consolidation.

“Ang ating objective po ngayon is mabigyan, tumuloy yung trabaho ng mga jeepney drivers from their previous operators na hindi na po nag-consolidate, para lumipat sila. Tuloy ang trabaho pero this time, iba na po ‘yun. Sila ay magiging miyembro ng cooperative para mabigyan po sila ng trabaho,” pahayag sini.

Ang kinahanglanon nga franchise consolidation kabahin sang PUV modernization program (PUVMP) sang gobyerno nga nagtapos sang Disyembre 31, 2023.

Ginapahanugutan ang mga unconsolidated commuter jeepney nga mag-operar sa napilian nga mga rota tubtub Enero 21, 2024. (AAL/LAF/PIA6-Iloilo/PND)