CEBU CITY, Cebu, January 5 (PIA) -- Gipahinumdoman sa Department of Labor and Employment (DOLE-7) ang mga employer sa pribadong sektor sa Central Visayas sa pagsumite sa ilang 13th Month Pay Compliance Report sa o sa dili pa ang Enero 15, 2024.

Kini subay sa Guidelines on the Payment of Thirteenth-Month Pay ubos sa Labor Advisory No. 25, Series of 2023 nga gi-issue ni Labor and Employment Secretary Bienvenido E. Laguesma, ang tanang kompanya sa pribadong sektor gimanduan sa pagsumite sa ilang mga report ngadto DOLE sa paghatag sa 13th Month Pay sa o sa dili pa ang Disyembre 24, 2023 suma sa Presidential Decree No. 851.

Ang maong report kinahanglang maglangkob sa mga mosunod:

• Ngalan sa establisemento (Name of establishment);Address;
  
• Pangunang produkto o negosyo (Principal product or business);
• Total nga trabaho (Total employment);
• Kinatibuk-ang gidaghanon sa mga trabahante nga nakabenepisyo (Total number of workers benefited);
• Ang kantidad nga gihatag sa matag empleyado (Amount granted per employee);
• Kinatibuk-ang kantidad sa mga benepisyo nga gihatag (Total amount of benefits granted); ug
• Ngalan, posisyon, ug numero sa telepono sa tawo nga naghatag impormasyon (Name, position, telephone number of the person giving information).

Pagabuhaton ang maong report pinaagi sa DOLE Establishment Report System nga mahimong ma-access sa https://reports.dole.gov.ph/.

“Since the site is centralized and controlled by the DOLE Central Office through the Bureau of Working Conditions or BWC, in the event that there are system issues encountered by companies while submitting their compliance reports, we advise them to email the Central Office directly

Tungod kay ang site gisentralisado ug kontrolado sa DOLE Central Office pinaagi sa Bureau of Working Conditions o BWC, kung adunay mga isyu sa sistema nga masugatan sa mga kompanya samtang nagsumite sa ilang mga report sa pagsunod, among gitambagan sila nga mag-email direkta sa Central Office),” matud  pa ni DOLE-7 Regional Director Lilia Estillore.

Apan kung aduna ma’y masinati nga system issues ug uban pang concerns, gipasabot sa DOLE nga i-email kini ngadto sa ersdoleteam@bwc.dole.gov.ph.

Gibutyag usab ni Estillore nga ang DOLE nag-monitor sa mga pagtuman sa mga kumpanya sa 13th Month Pay subay sa Department Order No. 238, Series of 2023 o and Rules on the Administration and Enforcement of Labor Standards ubos sa Article 128 of the Labor Code of the Philippines, as Renumbered, ug Republic Act. No. 11058.

Gidasig ni Director Estillore ang mga employer samtang aduna pa’y pipila ka mga adlaw sa dili pa ang deadline sa Enero 15 ug dili na usab kinahanglan nga magsumitir sa report sa DOLE Regional Office or sa field office mahitungod sa online nga i-access lamang sa gihatag na link.

“We urge all private sector companies to comply. We are certain that many employers are compliant but failed to submit their compliance reports. (Among giawhag ang tanang pribadong sektor nga mga kompaniya sa pagsunod. Kami sigurado nga daghang mga amo ang nagsunod apan napakyas sa pagsumite sa ilang mga taho sa pagsunod.)”

Ang mga empleyado nga wala makadawat sa ilang 13th-month pay adunay lain-laing legal nga paagi nga magamit nila. Mahimong maglakip kini sa pagsang-at og hangyo alang sa tabang o reklamo sa DOLE, o pagduso og kaso atubangan sa tukma nga judicial body tungod sa paglapas sa kontrata o paglapas sa mga labor laws.

Para sa dugang nga impormasyon, mamahimong i-contact si Luchel Senarlo Taniza, regional labor communication officer, sa email ro7@dole.gov.ph. (JAT/PIA 7)