CEBU CITY, Jan 8 (PIA) -- Nakakuha og suporta ang Pag-IBIG Fund gikan sa Federation of Free Workers o FFW, sa plano niini nga umentohan na ang binuwan nga kontribusyon sa savings rate nga gisunod sa upat na ka dekada.
Ang FFF, usa sa nag-unang organisasyon sa pamuo, ming-abin sa Pag-IBIG Fund nga angay ga gayud nga pasakaan ang kontribusyon sa patigum nga gihatag sa mga trabahante ug employer, sunod karong buwana Enero 2024.
Sa sulat niini ngadto sa PAG-IBIG Fund, mikutlo kini sa responsable nga pagdumala sa ahensya sa mga pundo nga gipiyal sa mga mamumuong Pilipino ug sa mga paningkamot niini sa paghatag sa katilingbanong proteksyon para sa mga miyembro subay sa charter niini.
Si Atty. Sonny G. Matula, FFW national president, miingon nga ang suporta sa FFW sa planong pagsaka sa rate sa Pag-IBIG Fund nagdepende sa pasalig sa ahensya nga madungagan pa ang mga benepisyo sa mga miyembro niini, ug masiguro nga ang pagtubo niini gitumong sa pagpalambo sa kahimtang sa mga trabahante.
Ubos sa bag-ong savings rates sa Pag-IBIG Fund, ang pinakataas nga binuwan nga compensation nga gamiton sa pagkuwenta sa gikinahanglang duha ka porsyento nga tinigom sa empleyado ug duha ka porsyento ang bahin sa employer sa mga membro sa Pag-IBIG Fund, madugangan ngadto sa P10,000, gikan sa kasamtangang P5,000.
Kini moresulta sa binuwan nga savings sa mga miyembro sa Pag-IBIG Fund, para sa employee og employer share counterpart, mosaka ngadto sa dosyentos (P200) matag usa gikan sa kasamtangang P100.
Si Pag-IBIG Fund Chief Executive Officer Marilene C. Acosta, sa laing bahin, mipadayag sa iyang pasalamat sa suporta nga gihatag sa FFW ug naghatag ug kasiguruhan nga ang Pag-IBIG Fund members mahatagan sa katungod alang sa mas maayong mga benepisyo ubos sa bag-ong rates nga gipatuman sa ahensya.
"We assure the FFW, our members and our stakeholders that the increase in our monthly savings rates shall redound to the benefit our members. The increase in our monthly savings rates mean that our members shall have higher Pag-IBIG Savings that earn annual dividends, which they shall receive upon membership maturity or retirement. (Among gipasalig sa FFW, nga among mga miyembro ug among mga stakeholders nga ang pag-usbaw sa among binuwan nga savings rates mopasaka usab sa kaayohan sa among mga miyembro. Ang pag-usbaw sa atong binuwan nga savings rates nagpasabot nga ang atong mga miyembro adunay mas taas nga Pag-IBIG Savings nga mokita og tinuig nga dibidendo, nga ilang madawat sa higayon sa membership maturity o pagretiro)," batbat ni Acosta.
"And, because of their higher savings, they shall also be entitled to higher multi-purpose and calamity loan amounts to help them with their financial needs. On an equally important note, our new rates shall allow us to continue providing affordable home loans to our members in the coming years. (Ug tungod sa ilang mas taas nga savings, sila usab adunay katungod sa mas taas nga multi-purpose ug calamity loan nga kantidad nga moabag kanila sa ilang pinansyal nga mga panginahanglan sa umaabot nga mga tuig)," dugang sa hepe sa Pag-IBIG Fund. (RGC/PIA7 Cebu with reports from Pag-IBIG Fund)
