MANILA, January 9 (PIA) -- Human lamang sa 1 ug tunga ka tuig sa katungdanan, nakumpleto na sa administrasyon ni Presidente Ferdinand R. Marcos Jr. ang 51 porsiyento sa target nga 131,410.66 kilometros sa Farm-to-Market Road Network Program sa gobyerno sulod sa unom ka tuig.

“I am happy to share a significant update sa ating Farm-to-Market Road Network program. Ang ating dapat na maging target is 131,410.66 kilometers sa anim na taon, maaari ko nang mai-report na 51 percent of that nabuo na natin,” si Presidente Marcos miingon sa usa ka mubo nga mensahe sa video.”

Sa target, si Presidente Marcos niingon nga ang gobyerno nakatukod na og 67,328.92 kilometros, nga maoy 32 ka beses sa mga road trip gikan sa Aparri paingon sa Jolo.

Matud pa sa Pangulo nga kini usa ka testamento sa kadako sa nahimo sa gobyerno.

Gidugang pa niini nga kini dili usa ka inisyatiba lamang sa agrikultura, apan usa kini ka koneksyon tali sa tanan nga lain-laing mga komunidad apan ang nag-unang katuyoan niini mao ang pagkonektar sa mga merkado ug sa mga prodyuser—ilabi na sa mga sektor sa agrikultura.

Ang Presidente mipasalig sa katawhang Pilipino nga ang iyang administrasyon magpadayon sa pagtrabaho hangtod makumpleto ang target nga 131,410.66 kilometros sa dili pa matapos ang administrasyon ug magpadayon sa “Build, Better, More.” (ECB/PIA7-Bohol)