SYUDAD SANG ILOILO -- Ginkalipay ni Presidente Ferdinand R. Marcos Jr. ang kadalag-an sang gobyerno sa pakigbato batok sa ilegal nga mga droga sa komonidad matapos nga ginbalita sang Philippine National Police (PNP) ang pagkumpiskar sang P10.4 bilyon nga balor sang droga kag clearing sang madamo nga mga barangay nga may implewensya sang droga.

“Na-ireport ng PNP na we have successfully confiscated an estimated 10.4 billion pesos worth of illegal drugs in 2023. Masasabi natin na 27,968 na barangay ay naideklara na na drug-cleared,” pahayag ni President Marcos sa isa ka video message.

“Nakapaggawa tayo ng 74 in-patient treatment and rehabilitation facilities to provide a path to recovery for those who want to break free from their addiction,”pakigbahin ni Marcos.

Suno sa impormasyon sang PNP, luwas sa pagkumpiskar sang mga ilegal nga droga humalin sang Enero tubtub Disyembre 2023 kag clearing sang 27,000 ka mga barangay, naglab-ot sa 56,495 ang ginpang-aresto nga mga suspetsado matapos nga magpatigayon sang 44,000 ka mga anti-illegal drug operations.

Ang ini nga mga kadalag-an sa idalom sang administrasyon ni Presidente Marcos ang nagapatuman sang makabag-o nga sistema sa pagtapna sang ilegal nga mga droga pinaagi sa paghatag igtalupangod sa rehabilitasyon, reintegration, kag mga preventive education programs para sa mga pamatan-on. (AAL/LMLE/PIA Iloilo/PND)