MANILA, January 4 (PIA) -- Nagpadayon ang Department of Social Welfare and Development (DSWD) sa pag-isyu og guarantee letters (GLs) alang sa mga Filipino nga nanginahanglan og cash aid alang sa medical ug funeral expenses, human kini gipahunong niadtong Disyembre 2023.
“This is to conform doon sa requirements ng ating financial management service kung saan kailangan natin i-collate ang mga kailangan natin bayaran, kasi of course we have to pay for the services of our service providers, particularly mga hospitals and funeral parlors,” matud pa sa pahayag ni DSWD co-spokesperson Irene Dumlao.
Ang pag-isyu og guarantee letters gibalik niadtong Enero 2. Kasagaran kining ihatag sa mga Filipino nga nanginahanglan og tabang sa medical ug funeral expenses nga molapas sa P10,000.
Bisan pa niini, gisuspenso pa ang pag-release sa hinanaling cash assistance samtang nagpaabot sa pag-download sa pondo gikan sa Department of Budget and Management (DBM).
Kini tungod kay nagpaabot usab ang DSWD nga ma-download ang pondo.
Gipasabot ni Dumlao nga kinahanglan nga naay notice of cash allocation gikan sa DBM sa dili pa makahatag og cash sa manginahanglan niini.
Ang DSWD naglaum nga makuha ang pondo sa unang buwan sa 2024.
Ang outright cash nga hinabang kasagarang ihatag niadtong nanginahanglan og ubos sa P10,000 nga hinabang. (ECB/PIA7-Bohol)
