SYUDAD SANG ILOILO (PIA6) – Nagpabutyag ang Iloilo City government sang padayon nga suporta sa mga operasyon kag kampanya sang mga pulis sa komunidad bangud man sa mga kadalag-an sang Iloilo City Police Office (ICPO) sa pagmentenar sang kahilwayan sa syudad.

Ginpahayag ni Mayor Jerry P. Treñas nga kombinsido siya sa manami nga hinimu-an sang ICPO kag sang Police Regional Office (PRO)-6 sa idalum sang pagpamuno ni Brigadier General Sidney Villaflor.

“I am very happy with the many accomplishments of the PNP under Brig. Gen. Sidney Villaflor. As a mayor, I will continue my strong support for the PNP in Iloilo City,” pahayag ni Treñas.

ICPO sa ila kampanya kontra illegal nga droga kag kriminalidad.

“As of now, the amount seems adequate…We’ve been supporting the police for years [and] this will continue into next year,” siling ni Treñas.

Kung madumduman, naglab-ot sa balor P20.4 milyon suspected shabu ang nakumpiska sang ICPO sang damlag lang sa Barangay Camalig, Haro, samtang ara naman sa P7.8 milyon sang suspected shabu ang nakumpiska sa Barangay Concepcion.

Magluwas sa ilegal nga droga, ginpahayag man ni Treñas nga handa ang city government magbulig sa kapulisan angut sa insidente sang cybercrime matapos ang pag-arresto sa 17 Chinese national nga naga-operar sang cybersex den sa Brgy. Balantang, Jaro.

Ginkilala man ni Treñas and dedikasyon sang mga pulis sa ila katungdanan kag responsibilidad kung sa diin mas nagtaas man ang pagsalig sang mga pumuluyo sa ila. (AAL/JNH/PIA Iloilo)