SAN JOSE Antique (PIA) -- Ang Department of Labor and Employment nagahimo kang tikang para maprotektahan ang kinamatarong kang mga empleyado kag mamintinar ang “industrial peace” sa probinsya.

Suno kay DOLE Antique Senior Labor and Employment Officer Benjie M. Requintina ang dya nga mga lihuk nagalakip kang pagpatuman kang Single-Entry Approach ukon SENA para sa mga empleyado nga may reklamo sa tag-iya kang mga establisyemento ukon kompanya.

Kang tuig 2023, ang DOLE nakabaton kang 19 ka mga reklamo halin sa mga sari-sari nga empleyado kag dya ginsabat paagi sa SENA kon sa diin 41 ka mga trabahador ang nakabaton kang kabilugan nga P768,542.68 sa pagdaog kang andang mga reklamo.

Special Employment of Students kon sa diin 40 porsyento lamang kang anda sweldo ang ginabaydan kang DOLE kag ang nabilin nga 60 porsyento ginabaydan kang anda employer.

May ginhiwat man nga job fairs nga ginpangunahan kang DOLE kaimaw ang Public Employment Services Office (PESO) sa mga kabanwahanan kag mga eskwelahan.

Si Requintina nagapasalamat gid sa mga eskwelahan, pribado nga opisina, kag mga kabanwahanan hay paagi sa andang PESO job fairs, raku nga mga Antiqueño ang nakakita ka obra. (AGP/PSM/PIA Antique)