CEBU CITY, Cebu, January 12 (PIA) -- Naandan sa kadaghanan nga sa bisan unsa nga Valid Identification Card o ID adunay pirma sa tag-iya, apan gipasabot sa Philippine Statistics Authority (PSA) nga ang PhilID dili na magkinahanglan og pirma. 

Kini gipasabot pinaagi sa Facebook Post sa PSA - Cebu Provincial Statistical Office nga gidisenyo ang PhilID lakip na ang e-PhilID nga mas moderno ug adunay labing taas nga seguridad. 

Imbis sa paggamit ug pagpakita sa pirma sa pagpamatuod  sa pagkatawo, gamiton lamang ang QR Code nga naa sa likod sa PhilID o sa ePhilI gamit ang PhilSys Check.

Matud sa post, sundon lamang ang mosunod nga mga instruksyon:

1. Gamit imong Smartphone or Laptop nga adunay camera, pag-abli og browser ug bisitaha ang https://verify.philsys.gov.ph
2. E-click ang “Scan QR Code” button.
3. E-click ang “Allow camera access” para e-scan ang PhilID QR o ePhilID QR Code.
4. E-scan ang QR Code sa PhilID/ePhilID ug e-siguro ang upat ka gili anaa sa tunga sa capture screen.
5. Kung ang ID kay authentic ug wala gi-tamper, adunay mopop-ip nga “PhilID/ePhilID has been Verified.” ug mo-display usab ang imohang demographic information.

Pinaagi sa paggamit sa QR Code, mapugngan ang pagpalsipikar (forgery), pagpanglimbong (fraud), o pagpangawat sa identidad (identity theft). 

Mahibaw-an usab pinagi niini kung ang maong PhilID or ePhilID kay tinuod o authentic. 

Gi-awhag sa PSA sa pagbisita sa http://tinyurl.com/philsyscheck101 alang sa dugang kasayuran mahitugod sa PhilSys Check. (JAT/PIA 7)