TAGBILARAN CITY, Bohol, January 11 (PIA) -- Magsugod na usab ang voters registration period alang sa 2025 national ug local elections (NLE) sa Pebrero 12 hangtod sa Setyembre 30, 2024, pahibalo sa Commission on Elections (Comelec).

Ang mga kwalipikadong Filipino mahimong moadto sa opisina sa election officer (OEO) o satellite registration sites sa ilang mga lugar aron magparehistro aron makabotar gikan Lunes hangtod Sabado, apil ang holidays, gikan sa alas 8 sa buntag hangtod sa alas 5 sa hapon.

Suspendido hinuon ang rehistrasyon gikan sa Marso 28 hangtod Marso 30, 2024, alang sa pag-obserbar sa Semana Santa.

Aron makaparehistro, ang mga magparehistro kinahanglang mokumpleto sa kopya sa application form nga anaa sa EOE ug sa Comelec website.

Ang katapusang panahon sa pagparehistro sa mga botante gihimo niadtong Disyembre 12, 2022 hangtod Enero 31, 2023.

Nakatala kini og kinatibuk-ang 1.6 milyones nga dugang rehistradong mga botante. (ECB/PIA7-Bohol)