SYUDAD SANG ILOILO (PIA6) – Naghatag sang kalipay sa mga Ilonggo ang walo ka tribo nga magapartisipar sa Dinagyang Ati Tribes Competition bangud sa pagpasundayag nila sang pila ka parte sang ila final performance sa ginhiwat nga Dinagyang opening salvo sang Jan. 12.

Ang walo ka tribu ang naghatag sang ‘sneak peek’ sang ila performances sa apat ka judging areas: Freedom Grandstand, Iloilo Provincial Capitol, Mabini-Delgado Street, kag Quezon-Ledesma Street.

Lakip sa mga tribu nga nag-intra amu ang Tribu Ilonganon (Jalandoni Memorial NHS), Tribu Mandu-riyaw (Mandurriao NHS), Tribu Paghidaet (La Paz NHS), Tribu Pan-ay (Fort San Pedro NHS), Tribu Salognon (Jaro NHS), Tribu Sigabong (Ramon Avanceña NHS), Tribu Silak (Iloilo City NHS), and Tribu Taga-Baryo (Bo. Obrero NHS).

Puz), Tribu IAFA (Molo), kag Tribu Buntag-tala (Jaro).

Magluwas diri, nagpakita man sang ila performance ang Tribu Aninipay, Tribu Ibata sa Paghiliugyon, Tribu Molave, Tribu Panaad, kag Tribu Parianon nga maga-intra sa Sadsad sa Calle Real.

May ginpatigayon naman nga traffic rerouting, road closures, kag provisions of emergency lanes ang Iloilo City Traffic Management Unit (ICTMU) sa pila ka mga dalanon sa syudad sang ginhiwat ang oening salvo.

Ang subong nga edisyon sang Dinagyang Festival, kung sa diin ang highlight sini paghiwaton sa Jan. 28, ang naga marka man sang pagbalik sang school-based Ati Tribes competition matapos ang pandemya. (AAL/JNH/PIA Iloilo)