KOLAMBUGAN, Lanao del Norte (PIA)-- Ang Office of Civil Defense (OCD)-10 nanghatag og essential non-food items ngadto sa 40 ka pamilya nga naapektuhan sa sunog nga nahitabo niadtong Enero 7 sa Barangay Titonon ning lungsod.

Ang hinabang naglakip sa mga family packs, shelter repair kits, hygiene kits, ug mga habol, nga mokabat sa kapin P430,000. Nahitabo ang distribusyon sa maong tabang sa Kolambugan Civic Center, diin temporaryo nga nagpuyo ang mga namakwit nga pamilya.

Gipangunahan ni OCD-10 Regional Director Antonio B. Sugarol ang paghatag sa hinabang kauban si OCD-10 Disaster Risk Reduction and Management Division Chief Gilbert H. Conde, ug Kolambugan Mayor Allan M. Omamos.

"I am going to relay and inform our concerned national government agencies in the region, member agencies in the Regional Disaster Risk Reduction and Management Council, of your predicament, hoping that, in one way or another, our local government unit in Kolambogan and the victims of the recent fire incident can be assisted in your recovery, of your lives, your occupation, and those that were lost," sumala ni Sugarol.

Nagpahigayon sab ang OCD-10 og site inspection sa sunog nga nakaguba sa 39 ka mga balay, ug nakapatay sa duha ka tawo. (LELA/PIA-10/Lanao del Norte)