TAGBILARAN CITY, Bohol, January 17 (PIA) -- Kapin sa P11 bilyones ang gamiton sa pagtukod og dugang mga “specialty centers” sa tibuok nasod karong tuiga.

Sa video message ni Presidente Ferdinand Marcos Jr. nga gi-post sa social media, ang Presidente miingon nga "as of December 2023," ang gobyerno nakatukod na og 131 ka specialty centers diin P11.12 bilyones ang gigahin alang sa pagtukod sa mas daghan pang centers karong tuiga.

“Noong Aug. 24, 2023, pinirmahan ko ang Republic Act No. 11959 known as the Regional Specialty Centers Act. Ito’y mga ating specialty centers, specialty hospitals sa iba’t ibang lugar,” matud pa sa Punong Ehekutibo.

Ubos sa balaod, ang Department of Health (DOH) gitudlo nga magtukod og mga specialty center sa mga ospital niini sa matag rehiyon ug sa state-controlled specialty hospitals, prayoridad ang pag-atiman sa cancer, cardiovascular care, lung care, renal care ug kidney transplant, brain ug spine care, trauma care ug burn care.

Ang mga center espesyalista sa orthopedic care, physical rehabilitation medicine, infectious disease ug tropical medicine, toxicology, mental health, geriatric care, neonatal care, dermatology, eye care, ug ear, nose and throat care.

Alang sa mga doktor sa Barangays nga mga programa, ang Presidente miingon nga 91% sa mga lungsod adunay mga medikal nga doktor nga gitahasan sa pag-atiman sa kahimsog sa mga residente.

“Ang programang ito ay in-expand to 204 out of 218 municipalities naman. Ang katumbas niyan ay 91 percent na ng municipalities ay masasabi nating may nag-aalaga na doctor,” matud pa sa Pangulo.

“Kaya’t napaka importante nito, patuloy pa itong programang ito para naman masabi natin na talaga nating binabantayan ang kalusugan ng ating mga mamamayan,” dugang pa ni Marcos. (ECB/PIA7-Bohol)