Sara rugyan ang paggamit kang alternate wetting and drying (AWD) method, sangka teknolohiya nga ginamanihar kang mayad ang suplay kang tubig halin sa irigasyon.
Dugang sa cloudseeding sa mga kritikal nga lugar, ginaduso man kang DA ang irrigation scheduling system kag iban pa nga pamaagi sa pagpananom nga tipid sa paggamit kang tubig.
Sa bahin duman kang DA- Disaster Risk Reduction and Management Unit (DRRMU), pwede i-adjust ang planting calendar kag maggamit kang organic fertilizer para mapabuhay ang moisture, ukon pagkabasa kang lupa.
Tuyo pa guid kang DA nga mas pasanyugon ang water management activities kag magtukod kang water impounding projects, diversions dams, kag iban pa nga imprastraktura kaangay kang hydroelectric powerplant kag irrigation systems.
Para man buligan ang mga mangunguma nga apektado kang El Niño, nagtugro ang DA Western Visayas paagi sa OPA kang inisyal nga 1,200 bags kang certified rice seeds kag 400 bags kang fertilizer nga ipanagtag sa sunod nga cropping season.
Suno sa PAGASA, base sa andang report kang Disyembre 18, 2023, ginapaabot sa urihi nga parte kang Enero 2024 ang “dry condition” sa Antique, kung sa diin “below-normal” ukon malaka ang pag-uran. (AGP/BPS/PIA Antique)
