CEBU CITY, Cebu (PIA) –Taliwala sa bagang duot sa katawhan nga modangop sa mga kalihukan sa Sinulog Festival karong tuiga, ang Philippine National Police (PNP) ug Department of Health (DOH) dinhi nipagawas og safety og health reminders alang sa mga deboto ug turista karon nga nagkaduol na ang Sinulog Grand Parade.

Ang PNP miingon nga ang gibana-banag kadaghanon sa mga mosalmot sa mga kalihukan sa Sinulog karong tuiga mokabat ngadto sa 5 milyones.

Sa bag-ohay lang nga programa sa Kapihan sa PIA, si Lt. Col. Gerard Ace Pelare, tigpamaba sa Police Regional Office sa Central Visayas (PRO7), niingon nga niluwat sila og basic safety reminders alang niadtong mosalmot sa Sinulog.

“Pahinumdom nga mosunod kita sa mga announcement sa mga otoridad para sa kalinaw og kahapsay sa atong pagsaulog sa kapistahan og pagselebrar sa Sinulog (We are reminding the public to follow the safety announcements from authorities so they can have a safe celebration of the Sinulog),” said Pelare. 

Ania ang mga safety tips ug pahinumdom gikan sa PRO7 alang sa mga kalihukan sa Sinulog:

• Ayaw pagdala ug bililhon o wala kinahanglana nga mga butang.
• Pagbantay sa imong mga butang.
• Likayi ang mga dayag nga pasundayag sa mga alahas.
• Ayaw pagdala ug dagkong kantidad sama sa kuwarta ug mahalon nga mga gadyet.

Mao usab kini ang listahan sa mga ginadili nga butang atol sa Sinulog:

• Mga armas
• Mga armas nga bladed/mahait nga mga butang
• Mga backpack ug dagkong mga bag
• Mabuak nga mga sudlanan sa pagkaon ug ilimnon
• Ginadili nga droga ug substansiya
• Mga pabuto o dili awtorisado nga pyrotechnics
• Mga sigarilyo ug mga lighter/masunog/masunog nga substansiya

Giawhag usab ni Pelare ang publiko nga i-report sa kapulisan ang bisan unsang kadudahang kalihokan o kabalaka sa seguridad nga mamatikdan sa ilang palibot.

“Just follow rules and regulations, stick to what is correct, and report to the police if you have any concerns related to security or other matters,” batbat ni Pelare.

Samtang, gipaambit usab sa DOH7 ang pipila ka health tips para sa mga deboto nga motambong sa mga relihiyosong aktibidad sa Fiesta Senior ug Sinulog Festival.

Ang DOH nagpahinumdum sa publiko nga tumanon ang mga musunod nga pahinumdom aron malikayan ang bisan unsang komplikasyon sa kahimsog samtang naglingaw sa kapistahan:

• Pagsul-ob og komportable nga sinina ug sapatos.
• Pagdala ug kalo ug payong.
• Mahimung updated sa weather advisories gikan sa PAG-ASA.
• Ang mga person with disabilities (PWD) kinahanglang mag-amping ug magmatngon sa pagtambong sa mga kalihokan.
• Alang sa mga adunay co-morbidities, ayaw kalimti ang pag-inom sa inyung mga tambal.
• Ayaw pagtambong sa mga kalihokan kung dili maayo ang inyung pamati.
• Pagdala ug tubig ug snacks.
• Padayon nga ma-hydrated tibuok adlaw.

Ang DOH7 una nang nipagawas og “code white alert” nga nagmando sa tanang healthcare facilities sa paghatag og medical assistance kon adunay mga dili maayong insidente atol sa Fiesta Senior ug Sinulog.

Si DOH7 Medical Officer IV Dr. Shelbay Blanco niingon nga magtukod usab og mga medical station sa mga dapit diin ipahigayon ang mga kalihukan sa Sinulog.

“With all these festivities, we just want to emphasize that aside from having the celebration, we should also be responsible in preparing ourselves since prevention is better than cure,” matod ni Blanco atol sa interview sa Philippine Information Agency 7. 

Usa ka deployment force nga gilangkuban sa 3,500 ka security personnel ang gipakatap na niadtong Enero 10 sa lain-laing lugar diin ang 459th Fiesta Señor ug ang Sinulog Festival ipahigayon.

Gibantayan sa mga PNP personnel ang tanang entrance ug exit points sa Basilica Minore del Sto. Niño aron masiguro ang kaluwasan sa mga deboto atol sa misa sa nobena.

Ang Sinulog festival maoy usa sa labing dako ug mabulukon nga mga festival sa Pilipinas.

Ang nag-unang kapistahan gihimo matag tuig sa ikatulong Domingo sa Enero sa dakbayan sa Sugbo aron pagpasidungog sa Santo Niño, o ang batang Hesus, nga kanhi patron sa tibuok lalawigan sa Sugbo.

Ang Sinulog karong tuiga gisugdan pinaagi sa usa ka Novena Mass niadtong Enero 12, human niini opisyal nga gideklarar ni Cebu City Mayor Michael Rama nga abli ang kasaulogan sa Sinulog.

Ang mga relihiyosong kalihokan mao ang Walk with Mary Procession sa Enero 19, Fluvial Procession ug ang Solemn Foot Procession sa Enero 20, ug ang Sinulog Grand Parade karong Enero 21 sa South Road Properties Grounds sa dakbayan sa Sugbo.

Alang sa tibuok listahan sa mga kalihokan sa Sinulog 2024, bisitaha ang Sinulog Foundation website: https://sinulogfoundationinc.com.

Ang Kapihan sa PIA sa Sugbo usa ka sinemana nga virtual nga programa nga gisibya live sa PIA Central Visayas Facebook page: https://www.facebook.com/PIACentralVisayas. (RGC/PIA7 Cebu)