TAGBILARAN CITY, Bohol, January 18 (PIA) -- Nipasidaan ang Department of Social Welfare and Development (DSWD) niadtong Miyerkoles batok sa usa ka website nga nag-angkon nga adunay master list sa mga benepisyaryo sa Pantawid Pamilyang Pilipino Program (4Ps) ug naka-iskedyul nga mga pagbayad.

Sumala sa gipagawas nga pahayag sa DSWD, ang website nga https://www.prc-board.com/p/4ps-payout-schedule-january-2024-master.html dili opisyal nga website sa departamento.

Ang DSWD midugang nga wala kini magpagawas sa ilang master list sa mga benepisyaryo sa 4Ps subay sa Data Privacy Act of 2012.

“Ito ay nagbibigay ng maling impormasyon patungkol sa programang Pantawid Pamilyang Pilipino Program (4Ps). Para sa impormasyon ng lahat, hindi naglalabas ng ‘masterlist’ ang ahensya dahil ito ay lumalabag sa Data Privacy Act of 2012,” pahayag sa DSWD.

Matud pa nga ang DSWD wala magbutang og mga schedule sa payout alang sa mga programa tungod kay ang mga grants awtomatik nga mabalhin ngadto sa cash cards sa mga benepisyaryo.

Gawas pa niini, walay payout schedule sa 4Ps nga gi-post kay ang mga grants automatic nga gi-wire sa cash cards sa mga benepisyaryo.

Gipahinumdoman usab sa ahensya ang publiko sa pag-refer lamang sa mga opisyal nga channel sa ilang mga social media account alang sa lehitimong mga kasayoran. (ecb/PIA7-Bohol)