SYUDAD SANG ILOILO (PIA) -- Suportado ni Major Gen. Marion R. Sison nga commanding general sang 3rd Infantry (Spearhead) Division sang Philippine Army ang pag-aprobar sang Supreme Court kag pagpaggwa sang procedural rules nga nagalakip sang mga petisyon kag aplikasyon nga may kaangtanan sa Republic Act No. 11479 ukon ang Anti-Terrorism Act of 2020.

Suno sa iya, ang ini nga mga pagsulundan sa idalom sang Administrative Matter No. 22-02-19-SC sang Supreme Court nga nangin epektibo sang Enero 15 karon nga tuig, matapos nga mabalhag sa duha ka nasyonal nga sirkulasyon, ang mas magapabakud sang ila kampanya batuk sa terorismo.

Ang ini nga mga pagsulundan mahimo nga magamit sa mga petisyon kag aplikasyon kaangot sa mga detentions nga wala sang judicial warrants of arrest, surveillance orders, freeze orders, restrictions on travel, kag iban pa nga court orders nga ginpaggwa para sa implementasyon sang ATA kag iban pa nga mga kaangot nga mga layi.

Terrorist Group (CTG) and kag sang ila White Area Operatives ukon CTG front organizations nga nagahiwat sang ila mga operasyon kag nagakuha suporta ilabi na sa mga urban areas.

The ATA kag iban pa nga mga kaangot nga layi kaangay sang Terrorism Financing Prevention and Suppression Act or Republic Act No.10168 nagahatag kahulugan kag penalidad sa mga terorismo nga buhat, kaangay sang, pero indi limitado sa partisipasyon, kooperasyon, pagdumala, kag pakigbahin sa paglunsar sang terorismo sang isa ka indibidwal, grupo ukon asosasyon, kag ang mga suspetsado mahimo nga ma-aresto apisar nga wala sang judicial warrants of arrest.                         

Subongman, ang CPP-NPA ginkabig bilang “terrorist organization” sang Anti-Terrorism Council sang Setyembre 2022 kag sang US State Department bilang “Foreign Terrorist Organization” sang Agosto 2002.

Sa sini nga mandato, ginpasalig ni Sison ang publiko, ilabi na ang mga pumuluyo sang Western kag Central Visayas nga padayon ang 3ID sa pakig-angot sa mga lokal nga pangulohan kag iban pa nga mga sektor sa pagprotektar sa mga kinamatarong sang mga tawo sa implementasyon sang Anti-Terrorism Act kag iban pa nga kaangot nga mga layi.

Iya man ginsambit liwat ang iya panawagan sa mga armado nga grupo nga magbalik na sa bahin sang gobyerno para maagum ang angay kag madugay nga kahilwayan, pag-amliganay, kag kauswagan. (AAL/AGP/PIA6)