SYUDAD SANG ILOILO (PIA6) – Nagpasiguro ang pila ka mga ahensya sang gobyerno sa Kabisay-an Nakatungdan sang suporta para sa sektor sang transportasyon nga maapektuhan sang ginapatuman nga Public Utility Vehicle Modernization Program (PUVMP).

Ginpahayag ni Land Transportation Franchising and Regulatory Board (LTFRB)-6 spokesperson Atty. Salvador Altura, sa isa ka press conference nga ginhiwat sang Philippine Information Agency (PIA)-6 Iloilo Information Center, nga may ara sang social support projects nga component ang PUVMP para makabulig sa posible maging epekto sang program sa drivers kag operators.

“So, this is the relevance of the presence of DOLE (Department of Labor and Employment) and TESDA (Technical Education and Skills Development Authority) for the social support program to address the effects of the program. May budget ina kag ini nga budget for social services (There’s a budget on that for the social services),” pahayag ni Altura.

“May ara na kita scholarship grants, pwede na naton na madistribute sa  mga groups and pwede  sila ka-avail sang free skills training and assessment. May ara na sila P350 nga daily allowance and food allowance.  We also have free entrepreneurship training sa aton beneficiaries.  Kami sa TESDA-6, gina-assure gid kamo namon sang prompt and efficient implementation of the scholarship programs nga pwede ma-extend ni TESDA sa ila families, beneficiaries kag ila mga dependents,” siling ni Sollesta.

Samtang suno naman kay DOLE-6 spokesperson John Mandario, nakahatag na ang ahensya sang kabug-usan nga P10,448,872 nga livelihood assistance sa 437 ka benepisyaryo sa rehiyon.

“Diri sa Iloilo, one of the biggest nga gintagaan naton is the Sta. Barbara-New Lucena Iloilo Transport Coop which engaged in a consumer store project under this program, granted P1 million for capital. We empower them to work and to make this project to grow,” pahayag sini.

Sa pihak nga bahin, ginpahayag ni Altura nga ang mga benepisyaryo ang ginpili sang mga apektado nga kooperatiba kag gin-evaluate sang LTFRB-6 bag-o ipasa sa DOLE kag TESDA.

Ginklaro niya nga hindi kwalipikado para sa programa ang mga miyembro sang 4Ps (Pantawid Pamilyang Pilipino Program) kag opisyales sang gobyerno tubtob sa barangay level.

Gin-aprobahan naman ni Presidente Ferdinand Marcos Jr. ang extension para sa franchise consolidation sang PUVMP tubtob Abril 30 para maghatag sang oportunidad sa mga yadtong nagpabutyag sang ila intensyon nga magconsolidate apang wala naka-abot sang nauna nga cut-off deadline.

Sandig sa datos sang LTFRB-6, yara na sa 1,911 (97%) ka PUVs sa probinsya sang Iloilo ang na-consolidate samtang 1,692 (75%) naman ang sa syudad.

para man ini sa aton nga commuters kag sa mga drivers and operators naton nga maging sustainable ang ila pangabuhi-an sa transport industry,” siling ni Doblizo.

Suno naman kay Edwin Escanos, manager sang Calumpang-Iloilo Transport Service Cooperative, nga hindi parehas sa tradisyunal nga jeep, ginasiguro nila nga presentable ang ila drivers kag wala sa impluwensya sang makahulubog nga ilimnon antis magbyahe.

“Unlike sa traditional mindset nga kung okay na ang bulsa, pululi na ang drivers ta wherein wala control ang aton operators. Ginhatagan man namon sang dignidad ang drivers kay wala lang sila nagaubra, before na sila i-dispatch, na-check na sang safety officer kung naka proper haircut, naka-ID, naka-uniform, wala sang gisi ang dilargo kag dapat naka sapatos and na see to it nga hind under influence sang liquor,” pahayag sini.

Ginpahayag naman ni Francisca Bijare, chairperson sang Leon Transport Cooperative nga halin sa P390,000 nga kapital sang ila kooperatiba, ara n aini subong sa P6 milyon tungod man sa bulig sang mga ahensya kag paghugpong sang mga miyembro.

Magluwas sa ila 19 ka PUVs, may ara naman sila subong sang auto-supply shop kag gasoline station nga naga-serbe ila dugang nga serbisyo para sa mga miyembro sa iban pa.

“Kung wala opisina kag holiday, wala man damo gid nga pasahero, so ga-adjust kita with the demands sang aton mga pasahero, but with other sources of income that would support our operations, we feel nga kampante kami nga we can give back to our members what we owe them,” pahayag ni Bijare.

“In the process, we were able to convince them that with their support and their full cooperation, we will be able to eventually lead, transform, conquer all of the challenges and will achieve success in this modernization program,” dugang pa sini. (AAL/JNH/PIA Iloilo)