TAGBILARAN CITY, Bohol, January 24 (PIA) -- Aron masiguro ang kaandam sa nasud batok sa mga epekto sa El Niño phenomenon, si Presidente Ferdinand R. Marcos Jr. nimando sa pagbuhi og balik (reactivation) sa Task Force El Niño pinaagi sa pag-isyu sa Executive Order No. 53, pagdugang sa kalig-on sa mga komunidad ug pagsiguro sa igong suplay sa tubig, seguridad sa pagkaon ug panglawas ug kaluwasan sa publiko.

Ubos sa EO No. 53 nga gi-isyu niadtong Enero 19, 2024, ug gilagdaan ni Executive Secretary Lucas Bersamin, ang Task Force El Niño gi-reactivate ubos sa Office of the President.

Ang Task Force pagapangunahan sa Kalihim sa Department of National Defense (DND) ug co-chaired sa Kalihim sa Department of Science and Technology (DOST).

Apil sa mga sakop mao ang mga Kalihim sa Department of Environment and Natural Resources (DENR), Department of Agriculture (DA), Department of Health (DOH) ug National Economic and Development Authority (NEDA).

Ang Office of the Civil Defense ang maghatag sa administratibo ug teknikal nga suporta sa Task Force sa pagbuhat sa mga gimbuhaton niini.

Ang Task Force gimanduan sa pag-usab ug pag-update sa Strategic El Niño National Action Plan, pagmonitor sa pagpatuman sa hamubo ug long-term nga mga solusyon ug mga programa nga giila sa Strategic El Niño National Action Plan, ug makig-alayon sa tanang hingtungdang ahensya sa pagpadali sa pagkumpleto sa tanan nga nagpadayon nga mga proyekto sa imprastraktura sa tubig gituyo aron makunhoran o maminusan ang mga epekto sa ting-init nga dili molapas sa katapusan sa Abril 2024.

Gitahasan usab kini nga makig-alayon sa Presidential Communications Office (PCO) sa pagpahigayon og massive information campaign sa El Niño phenomenon, ug isumite ngadto sa Presidente, pinaagi sa Office of the Executive Secretary, ang binuwan nga report sa pagpatuman sa kamandoan.

Sa koordinasyon sa DOST, ang Task Force gimandoan usab sa pag-establisar sa El Niño Online Platform, nga magsilbi nga sentralisadong tipiganan alang sa halapad nga mga datos, panukiduki, ug impormasyon mahitungod sa El Niño, sama sa interactive nga mga mapa ug mga visualization, ingon man usab sa maayo nga kasayuran, mga plano ug programa nga gipadagan sa datos nga may kalabotan sa El Niño.

Sa miaging tuig, usa ka National Action Plan Framework ang gihimo aron palig-onon ang mga komunidad batok sa mga epekto sa El Niño pinaagi sa pagtutok sa lima ka importanteng sektor—supply sa tubig, agrikultura, elektrisidad, panglawas, ug kaluwasan sa publiko, ug uban sa katugbang nga mahinungdanong prayoridad nga mga interbensyon nga ipatuman sa mga hingtungdan nga mga ahensya sa gobyerno.

Ang bag-o nga pag-monitor ug pagtuki sa DOST-Philippine Atmospheric, Geophysical, and Astronomical Services Administration nagpadayag nga ang init nga temperatura sa ibabaw sa dagat sa sentral ug silangang tropikal nga Pasipiko hingpit nga milambo ngadto sa El Niño niadtong Hulyo 2023.

Ang PAGASA nitaho nga nagpadayon kini sa pagpakita sa mga timailhan sa pagkusog sa kadaghanan sa mga modelo sa klima sa kalibotan nga nagsugyot nga ang El Niño lagmit magpadayon hangtod sa ikaduhang quarter sa 2024. (ECB/PIA7-Bohol)