SYUDAD SANG ILOILO -- Kapin sa 179 ka mga dugang nga medical specialty centers ang tuyo nga igapatukod sang gobyerno antes magatapos ang administrasyon ni  Presidente Ferdinand R. Marcos Jr.

Pito sa ini nga mga specialty centers ang idedikar bilang mga lung care centers paagi sa Regional Specialty Center Act.

 “By 2028, we aim to establish an additional 179 specialty centers, seven of which are dedicated as lung care centers,” pahayag ni President Marcos sa iya mensahe sadtong paglunsar sang nahauna nga human lung transplant sang pungsod sa Lung Center of the Philippines (LCP) kag  National Kidney and Transplant Institute (NKTI).

Nagapatigayon man ang Commission on Higher Education (CHED) kag Department of Health (DOH) sang expanded nursing education program agud masolusyunan ang kakulangan sang mga nars samtang ginasiguro man ang ila suplay sa palaabuton.

Ginpanginbulahan man sang pangulo ang mga healthcare workers sa ila pagdedikar sa healthcare system, sa mga pumuluyo kag sa pungsod ilabi na sa panahon sang COVID-19 nga pandemya.

“Nais naming ipaabot ang aming taus-pusong pasasalamat dahil sa inyong katapangan, your gallant acts do not fade with time, then gratitude has no expiry date either,” sambit ni Presidente Marcos. (AAL/LMLE/PIA Iloilo/PND)