TAGBILARAN CITY, Bohol, January 22 (PIA) -- Maayong balita alang sa mga miyembro sa Pag-IBIG Fund tungod kay nakatakdang makadawat sila og "double savings and higher cash loan entitlements" samtang padayong adunay akses sa mga barato nga balay nga pautang, bisan pa sa gitakdang pagsaka sa monthly contribution rate sa mga miyembro ug sa mga amo niini sugod sunod buwan.
Ubos sa bag-ong monthly contribution rate, ang binuwan nga savings sa mga miyembro sa Pag-IBIG Fund alang sa bahin sa mga empleyado ug mga employer ipasaka ngadto sa P200 matag usa gikan sa P100.
Kini nunot sa pag-adjust sa maximum monthly compensation nga gamiton sa pag-compute sa gikinahanglang 2 percent nga savings sa empleyado ug 2 percent sa employer share alang sa mga miyembro sa Pag-IBIG Fund, nga karon misaka ngadto sa P10,000 gikan sa kasamtangang P5,000.
Niadtong 2019, giaprobahan sa mga opisyal sa ahensya ang pagpataas sa binuwan nga kontribusyon sa mga miyembro sa 2021 tungod sa nagkadako nga utang niini.
“Our strong financial position shall allow us to again postpone the increase in our contribution rates for a year. We are happy to report that even without any increase in our rates, we were able to post record-highs in 2022 with our membership savings collections reaching nearly P80 billion, loan payment collections amounting to P127.42 billion, short-term loan releases at P57.69 billion and home loan takeout amounting to P117.85 billion. (Ang among lig-on nga posisyon sa panalapi magtugot kanamo nga i-postpone usab ang pagtaas sa among mga rate sa kontribusyon sa usa ka tuig. Nalipay kami nga ipahibalo nga bisan kung wala’y usbaw sa among rates, nakahimo kami sa pag-post sa labing taas nga rekord niadtong 2022 diin ang among koleksyon sa pagtipig sa membership miabot sa dul-an sa P80 bilyon, koleksyon sa pagbayad sa utang nga nagkantidad og P127.42 bilyon, mga short-term nga pagpagawas sa pautang ug P57.69 bilyon ug home loan takeout nga nagkantidad og P117.85 bilyon),” pahayag ni Pag-IBIG Fund Chief Executive Officer Marilene Acosta. (ECB/PIA7-Bohol)
