MANILA, January 29 (PIA) -- Unahon sa gobyerno ang kaayohan sa mga kabatan-onan nga Pilipino ubos sa Bagong Pilipinas, kini gideklarar ni Presidente Ferdinand R. Marcos Jr., nga nag-ila sa papel sa mga batan-on isip umaabot nga nation builders..
“Sa Bagong Pilipinas, una ang kabataan dahil prayoridad ang kanilang kinabukasan. Pangangalaga sa kalikasan ang pangunahin nilang pagkakaabalahan. The reforms that we envision for our educational system should be showcased in our classrooms,” si Presidente Marcos miingon atol sa Bagong Pilipinas Campaign kickoff rally sa Quirino Grandstand sa Manila niadtong Domingo, .
Ubos sa nasudnong kampanya sa reporma, ang mga magtutuon hatagan og mga libro, maayo nga pagkabansay, madasigon kaayo, maayo nga sweldo alang sa mga magtutudlo, ug maampingong na-curate nga kurikulum sa pagtudlo online.
Ug aron matubag ang kagutom sa mga batan-ong tinun-an, si Marcos misaad sa paghatag og mga pagkaon pinaagi sa feeding programs aron maseguro nga motuhop sa mga bata ang mga leksyon nga gitudlo sa ilang mga magtutudlo.
Matud pa sa Presidente nga pinaagi sa Bagong Pilipinas, atong matuman ang atong labing dako nga obligasyon sa atong mga kabatan-onan, sa pag-umol kanila ngadto sa mga kritikal nga panghunahuna, mga problem solvers, ug mga maisog nga mga bisyonaryo alang sa nasud.
Gawas sa pagtubag sa panginahanglan sa mga batan-on, misaad usab si Marcos nga tabangan ang mga mag-uuma ug mangingisda sa nasud.
Ug taliwala sa nag-ung-ong nga El Niño phenomenon, ang gobyerno molugway sa mga programa sa agrikultura ug suporta sa mga Pilipinong mag-uuma aron mapanalipdan ang ilang panginabuhi.
Sa samang higayon, ang Presidente misaad nga palig-onon ang depensa sa katawhan ug komunidad batok sa mga kalamidad pinaagi sa paghatag og dugang nga kahinguhaan.
Ang Bagong Pilipinas Campaign mao ang nag-unang tema sa tatak sa pagdumala ug pagpangulo sa administrasyong Marcos, nga gihulagway sa usa ka prinsipyo, tulubagon, ug kasaligan nga gobyerno nga gipalig-on sa hiniusang mga institusyon sa katilingban.
Kini nag-awhag sa matag Pilipino sa pagtan-aw lapas pa sa mga kalainan ug pagtrabaho nga nagkahiusa sa pagtukod sa usa ka nasud nga naghulma sa usa ka mas maayong kaugmaon alang sa iyang mga lungsoranon. (ECB/PIA7-Bohol)
